کاریگەری پەردەپۆشکردنی نهێنییەکان بۆ سەر مرۆڤ

10:36 - 30/07/2019
تەندروستی

ماڵپەڕی سکای نیوز لە پەڕەی تەندروستی خۆیدا بڵاویکردەوە پەردەپۆشکردنی ئەو نهێنیانەی کە نا یاسایی و رەفتاری نەشیاون، دەبێتە هۆی زیانی تەندروستی بۆ کەسەکە.

 

زۆرێک لە مرۆڤەکان ژیانێکی نهێنیان هەیە دوورە لەو کەسایەتییەی کە لەناو خەڵکدا هەیەتی، یاخود چەند کارێکی هەڵە و نایاسایی ئەنجامدەدەن و ناهێڵن کەس بزانێت، ئەمەش دەبێتە زیانی دەرونی و جەستەیی بۆ کەسەکە.

 

گروپێک توێژەری زانستی لە زانکۆی کۆڵۆمبیای ئەمریکا، توێژینەوەیەکەیان لەسەر هەزار کەس لە 29 دەوڵەتی جیایا ئەنجامدا بۆ زانینی کاریگەریەکانی شاردنەوەی ئەو نهێنییانەی کە نا یاسایی و رەفتاری نەشیاون بۆ تەندروستی کەسەکە.

 

لە ناوەڕۆکی توێژینەوەکەدا خراوەتەڕوو کە هەزار کەسەکە کۆمەڵێک کاری نایاسایی و نەشیاویان وەک ئەنجامدانی سێکسی نا تەندروست و درۆ و دزی و کاری توندڕەوی ئەنجامداوەو شاردویانەتەوە.

 

لە ئەنجامی توێژینەوەکەوە توێژەران بۆیان دەرکەوت کەسێکی ئاسایی 13 نهێنی لە یەکە کاتدا شاردۆتەوە و ئەمەش زیانی تەندروستی جەستەیی پێگەیاندوە، بەدەر لەوەی بۆتە هۆی قەلەقی و خەمۆکی رەشبینی و هەست کردن بە شەرم و سەرکۆنەکردنی خۆی.

 

گروپێکی دیکەی توێژەران لە زانکۆی ئۆترێخت لە هۆڵەندا توێژینەوەیەکیان لەسەر 790 هەرزەکار ئەنجامدەدات و بۆیان دەردەکەوێت کە شاردنەوەی نهێنییەکان دەبێتە هۆی ئازاری ماسولکەکانی جەستە و بێهێزی، کە ئەمانەش نەخۆشی دیکەی لێدەکەوێتەوە.  

468 جار خوێندراوەتەوە