خانمی یەکەمی کۆریای باکور بناسە

01:30 - 11/06/2018
هەمەڕەنگ

تائێستا دیار نیە ری سول جو هاوسەری کیم جونگ ئونی سەرۆکی کۆریای باکور ناوی راستەقینەی چییەو خێزانەکەی کێیە و تەمەنی چەندە و بۆچی تاکو ئێستا زۆر ناکەوێتە بەرچاوی میدیاکان.

 

بەپێی زانیاری چەند ئاژانسێک ری سول جو لە پێش هاوسەرگیری ناوێکی دیکەی هەبوەو لەساڵی 2012  لەئاهەنگێکی میوزیکدا لەگەڵ کیم جونگ ئونی سەرۆکی کۆریای باکور بۆ یەکەمجار دەردەکەوێت و جەختدەکرێتەوە لەو کاتەدا هاوسەری یەکبون، لەمەوە لەساڵانی 2012 بۆ 2014 بۆ چەندین جاری دیکە لە بۆنە تایبەتەکاندا بەیەکەوە دەردەکەونەوە.

دەسەڵاتدارانی ئەمنی کۆریای باکور رایانگەیاند هاوسەری کیم جونگ ئون، ناوی هیون سونگ ویل بوەو دوای هاوسەرگیری ناوەکەی گۆڕیوە بۆ ری سول جو.

دەزگایەکەی راگەیاندنی کۆریای باشور ئاشكرایدەکات ری سول جو تەمەنی لەنێوان 1985 بۆ 1989 دایەو  پێش هاوسەرگیریکردنی لەگەڵ سەرۆکی کۆریای باکور هونەرمەند و هاندەرێکی باشی هونەر بووە.

 

هەروەها لە ساڵی 2005 لە سەردانێکی بۆ کۆریای باشور بەمەبەستی مەراسیمی دیاریکردنی بتوڵەی ئاسیا بۆ یاریە بەهێزەکان وەک بەشێک لە گرووپی هاندەرانی کۆریای باکوور بەشدار بوە.

رۆژنامەی تشوسون ئیبلو کبری لە کۆریای باشور دەڵێت، ری سول جو هونەرمەند بوە لە گرووپی میوزیکی ئۆرکسترا Unhasu   لە سەری ساڵی 2010 دا ئاهەنگێکیان سازکردوە و لەوێدا کیم جۆنگ ئون و باوکی بەشدار بوون.

 

هەر لەو ئاهەنگەدا کیم جونگ ئون هیون سونگ ویل وەک هاوسەری خۆی دەستنیشانکردوە.

بەپێی چەند سەرچاوەیەکی ناوخۆیی هاوسەرگیری کیم جونگ ئون بەشێوەیەکی خێرا بوە چونکە لەساڵی 2009 دا کیم یونگ ئیلی باوکی بەهۆی تووشبوونی بە جەڵتەی مێشک تەندروستی جێگیر نەبوە.

 

شایەنی باسە کیم جونگ ئون و هاوسەرەکەی  لەیەکەم ساڵی هاوسەرگیریاندا دەبنە خاوەنی منداڵێک و لە ئێستادا خاوەنی سێ منداڵن .

 

23207 جار خوێندراوەتەوە