خورماتوو؛ فڕۆكەیەكی بێفڕۆكەوان سەربازگەیەكی حەشدی شەعبیی بۆردومان كرد

07:18 - 19/07/2019
کوردستان

فرۆكەیەكی بێ فڕۆكەوان لە خورماتوو، سەربازگەیەكی حەشدی شەعبیی، بۆردومان كرد و بەوهۆیەوە دوو چەكدار بریندار بوون...

عەلی حسێن، وتەبێژی حەشدی شەعبی لە خورماتوو بە KNNی راگەیاند: بەرەبەیانی ئەمڕۆ هەینی، لە رێگەی فرۆكەیەكی بێ فڕۆكەوانەوە، سەربازگەیەكی حەشدی شەعبی لە گوندی براوچلی لە نێوان هەردوو ناحیەی سلێمان بەگ و ئامرلی سەر بە قەزای خورماتوو، بۆردومان كراوە.

وتیشی: سەربازگەكە ناوی سەربازگەی شوهەدایە و تا ئێستاش نەزانراوە ئەو فڕۆكە بی َفڕۆكەوانە، هی چ لایەنێكە.

هاوكات، شانەی راگەیاندنی جەنگی عێراق لە راگەیەنراوێكدا بڵاوی كردەوە: بەهۆی بۆردومانەكەوە، دوو چەكداری حەشدی شەعبی بریندار بوون.

1387 جار خوێندراوەتەوە