پاریس؛ ڕاپۆرتێكی تایبەت بە شەڕی یەمەن بڵاوكرایەوە

08:47 - 16/07/2019
جیهان

یەمەن؛  150 هێرشی ئاسمانی هاوڵاتیانی مەدەنییان كردووەتە ئامانج
یەمەن؛ 74 حاڵەتی رێگریكردن لە گەیاندنی هاوكاری بە هاوڵاتیانی مەدەنی تۆماركراوە

 
رێكخراوێكی سەربەخۆی تایبەت بە مافەكانی مرۆڤ، لە پاریسی پایتەختی فەڕەنسا ڕاپۆرتێكی بەڵگەداری لەبارەی ژمارەیەك پێشێلكاریی شەڕی یەمەن بڵاوكردەوە.


ڕێكخراوی مواتەنەی یەمەنی تایبەت بە مافەكانی مرۆڤ، ڕاپۆرتێكی لەبارەی رەوشی هاوڵاتیانی مەدەنیی ئەو وڵاتە بڵاوكردەوە، كە تیایدا چاوپێكەوتن لەگەڵ زیاتر لە 2 هەزار هاوڵاتیی یەمەن كراوە.

لە راپۆرتەكەدا، 74 رووداوی ڕێگریكردن لە گەیشتنی خواردن و یارمەتیی تەندروستی بە هاوڵاتیانی ناوچە جیاوازەكانی یەمەن بە تۆماركراون، كە زۆرینەی رێگرییەكان لەلایەن چەكدارانی حووسیی ئەو وڵاتەوە ئەنجامدراون.

هاوكات 52 حاڵەتی تەقینەوەی مین و 150 بۆردوومانی فرۆكەی هاوپەیمانی عەرەبی تۆماركراون، كە بوونەتە هۆی كوژرانی 435 هاوڵاتیی مەدەن.

كریستین بێكلەر, بەڕێوەبەری یاسایی رێكراوی مواتەنە لە كۆنگرەیەكی رۆژنامەوانیدا ڕایگەیاند, ژمارەی پێشێلكارییەكانی جەنگ بەرامبەر هاوڵاتیانی مەدەنیی یەمەن زۆر لەم ژمارانە زیادترە، بەڵام گرنگیی ئەم ڕاپۆرتە لەوەدایە كە بەڵگەی بەرجەستەی بەشێكی رووداوەكانی تێدا كۆكراونەتەوە و دەكرێت وەك دۆسیەیەكی یاسایی بۆ رێگریكردنی فرۆشتنی چەك بە لایەنە بەشەڕهاتووەكانی یەمەن لەلایەن ئەوروپاوە سودی لێوەربگیرێت.

259 جار خوێندراوەتەوە