عەلی خامنەیی: دەستبەسەرداگرتنی كەشتیەكەمان لەلایەن بەریتانیاوە بێ‌ وەڵام نابێت

08:08 - 16/07/2019
جیهان

عەلی خامنەیی: بەریتانیا هاوشێوەی چەتەكانی دەریا دەستی بەسەركەشتیەكەی ئێراندا گرتوە

عەلی خامنەیی رێبەری باڵای شۆڕشی ئیسلامی ئێران دەستبەسەراگرتنی كەشتیەنەوت گوێزەوەكەی وڵاتەكەی بەدزی وەسف دەكات هەڕەشەی وڵامدانەوەی توندیش لەبەریتانیا دەكات.


خامنەیی لەمیانی بەرێوەچونی رێورەسمێكی ئایندا لە تارانی پایتەخت دەستبەسەراگرتنی كەشتیە نەوت گوێزەوەكەی ئێرانی لەلایەن هێزی دەریای بەریتانیاوە لەناوچەی جەبەل تارق، بەكارێكی هاوشێوەی چەتەكانی دەریا وەسف كردو رایگەیاند، رێگەنادەن ئەو كارە بەبێ‌ وەڵام تێپەرێت.

لەبەشێكی دیكەی قسەكانیدا رێبەری باڵای شۆڕشی ئیسلامی ئێران هێرشی توندی كردە سەر بەریتانیا و رایگەیاند، بەریتانیا هاوشێوەی چەتەكانی دەریا دەستی بەسەركەشتیە نەوت گوێزەوەكەی ئێراندا گرتوە، بەڵام چوارچێوەیەكی یاسایی بۆ داڕشتوە.

382 جار خوێندراوەتەوە