سۆران؛ بەهۆی وەرگەڕانی ئۆتۆمبێلێك دوو كەس گیانیان لەدەستدا‌و دوانی تریش بریندار بوون

03:49 - 12/07/2019
کوردستان

لە رووداوێكی هاتوچۆدا لەسەر رێگای هامڵتۆن لە نێوان هەردوو قەزای سۆران و چۆمان، دوو كەس گیانیان لە دەستدا و دوو كەسی تریش بریندار بوون و كەسێكی تریش چارەنوسی نادیارە.

راگەیاندنی بەڕێوەبەرایەتیی هاتوچۆی سۆران بڵاوی كردوەتەوە: سەرلەبەیانی ئەمڕۆ هەینی، بەهۆی وەرگەڕانی ئۆتۆمبێلێكی تەكسی لە نزیك گوندی وارە كەون لەسەر رێگای هامڵتۆن، دوو هاوڵاتی، گیانیان لەدەستداوە دوو كەسی تریش بریندار بوون و كەسێكی دیكەش چارەنوسی نادیارە.

ئاماژەی بەوەش كردووە: قوربانییەكان سەرجەمیان دانیشتووی ناحیەی دارەتووی سەر بە پارێزگای هەولێرن.

300 جار خوێندراوەتەوە