بەپەلە

سوریا؛ لە شەڕی نێوان سوپا و گروپە چەكدارییەكان لە پارێزگای حەما 82 كەس كوژران

11:49 - 12/07/2019
جیهان

سوریا؛ شەڕ لەنێوان سوپای سوریا و گروپە چەكدارییەكان لە دەوروبەری حەما روویدا

شەڕپێكدادان لە نێوان سوپای سوریا و گروپە چەكدارەكان لە باكووری خۆرئاوای سوریا روودەدات و بە هۆیەوە زیاتر لە 80 كەس لە هەردوولا دەكوژرێن.

ئاژانسی هەواڵیی فرانس پرێس لە زاری ڕوانگەی سوری بۆ مافەكانی مرۆڤ بڵاوی كردەوە، دوای ئەوەی شەوی چوارشەممەی ڕابردوو هێزەكانی سوپای سوریا هێرشیان كردوەتە سەر گوندی حەمامیاتی پارێزگای حەما لە باكووری خۆرئاوای سوریا و كۆنترۆڵیان كردوە.

شەوی رابردوو چەكدارانی چەند گروپێكی چەكداری كە لە ناویاندا بەرەی رزگاریخوازیی شامه بەشداریی كردبوو، هێرشیان كردوەتە سەر سوپای سوریا بە ئامانجی كونترۆڵكردنەوەی ئەو گوندەی پارێزگای حەما، ئاژانسەكە ئاماژەی بۆ ئەوەش كردوە، لە ئاكامدا شەڕوپێكدادان ڕوویداوە و سوپای سوریا فڕۆكەی بەكارهێناوە و سەرەنجام 82 ی لە هەردوو لا كوژارون.

لە چەند مانگی رابردوودا شەڕو پێكدادان و بۆردومانی هێزەكانی سوریا لە باكووری خۆرئاوای ئەو وڵاتە دۆخی ئەو ناوچەیەی ئاڵۆز كردوە و زیاتر لە 500 كەس كوژراون و هەزارانیشی ئاوارە كردوە، نەتەوە كگرتوەكانیش چەند جارێك هۆشیداریی روودانی كارەساتی مرۆیی داوە.

204 جار خوێندراوەتەوە