ڕۆحانی: دەستبەسەرداگرتنی كەشتییەكەمان دەرئەنجامێكی نەخوازراوی بۆ بەریتانیا دەبێت

09:13 - 10/07/2019
جیهان

حەسەن رۆحانی: بەریتانیا ناسەقامگیریی لە ناوچەكە دروست دەكات

سەرۆك كۆماری ئێران ڕایگەیاند: دەستبەسەرداگرتنی كەشتییە نەوتییەكەیان لە جەبەل تاریق, دەرئەنجامێكی نەخوازراوی بۆ بەریتانیا دەبێت و ئەو وڵاتەی بە هۆكاری ناسەقامگیریی ناوچەكە ناوبرد.


حەسەن رۆحانی، سەرۆك كۆماری ئێران لە كۆبوونەوەی هەفتانەیدا لەگەڵ بەرپرسانی حكومەتەكەیدا، ڕایگەیاند: دەستبەسەرداگرتنی كەشتییە نەوتییەكەیان لەلایەن حكومەتی بەریتانیاوە، كارێكی نەزانانەیە و زیان بە خودی بەریتانیا دەگەیەنێت.

وتیشی: بەریتانیا، هۆكاری دروستبوونی ناسەقامگیرییە لە دەریاكاندا و هەر رووداوێكی نەخوازراو لە داهاتوودا رووبدات، ئەوا بەرپرسیارێتیەكەی راستەوخۆ دەكەوێتە سەر شانی ئەوان.

هاوكات حكومەتی بەریتانیا-ی لە جەبەل تاریق بە داگیركەر ناوبرد و رایگەیاند: تەواوی هاوڵاتییانی ئیسپانیا بەو داگیركارییە بێزارن.

351 جار خوێندراوەتەوە