بەپەلە

حكومەتی توركیا: كەشتی دوەم دەست بەگەڕان و دۆزینەوەی غاز دەكات لە كەناراوەكانی قوبرس

10:36 - 07/07/2019
ئابوری

لەكاتێكدا مانگی ڕابردو یەكێتی ئەوروپا هۆشداری بەتوركیادا كە گەڕان و دۆزینەوەی غاز لەكەناراوەكانی قوبرس ڕابگرێت بەڵام وەزیری وزەی ئەو وڵاتە ئاشكرایدەكات، كەشتی دوەمیان دەست بەگەڕان و پشكنین بۆ دۆزینەوەی غاز دەكات.

ئاژانسی هەواڵی ئەنادۆڵ لە زاری فاتح دۆنمیز وەزیری وزەی توركیا بڵاوی كردوەتەوە، لەماوەی هەفتەیەكدا كەشتی دوەمییان بەناوی یاوز كە ئێستا لە دورگەی مێرسینەو سەرگەرمی گواستنەوەی كەرەستەوپێداویستیەكانی گەڕان و پشكنینە بەشوێن غازدا دەگاتە كەناراوەكانی قوبرس لە دەریای ناوەڕاست و دەست دەكات بەگەڕان و پشكنین بۆ دۆزینەوەی غاز.

دۆمینیز، ئاماژە بەوەشدەكات،ناوچەی ئابوری دەریای ناوەڕاست لەژێر دەسەڵاتی ئەواندایەو لەلایەن بەشە توركەكەی قوبرسیشەوە ڕێگەیان پێدراوە.

ئەم هەوڵەی دەسەڵاتدارانی توركیا هاوكاتە لەگەڵ ئەوەی لەمانگی ڕابردودا ژمارەیەك لەوڵاتانی ئەوروپا هۆشدارییان بەتوركیادا كە گەڕان بۆ دۆزینەوەی غاز لەكەناراوەكانی قوبرس ڕابگرێت.

289 جار خوێندراوەتەوە