ئێران مەرجی خۆی بۆ گفتوگۆو دانوستان لەگەڵ ئەمریكا راگەیاند

03:21 - 04/07/2019
جیهان

ئێران: پێویستە ئەمریكا سزاكانی سەر ئێران‌و خودی خامنەیی هەڵبگرێت
ئێران: پابەندییەكانمان بەرێكەوتنە ئەتۆمیەكەوە كەمتر دەكەینەوە

 
ئێران مەرجی خۆی بۆ گفتوگۆ و دانوستان لەگەڵ ئەمریكا راگەیاندو جەختدەكاتەوە, پێش دەستپێكردنی هەر گفتوگۆ و دانوستانێك. دەبێت ئەمریكا بەكرداریی نیاز پاكیی خۆی بۆ گفتوگۆ لەگەڵ ئێران پیشان بدات.


لەنوێترین هەڵوێستی ئێران لەبارەی رێكەوتنە ئەتۆمیەكەی ساڵی 2015 لەگەڵ وڵاتانی پێنج كۆ یەك لەڤیەننا.

حكومەتی ئێران رایگەیاند, ئامادەن بۆ گفتوگۆ و دانوستان لەگەڵ ئەمریكا. بەمەرجێك واشنتۆن سزاكانی سەر ئێران و خودی عەلی خامنەیی هەڵبگرێت و ئەوەش بەكرداریی هەنگاوی بۆ بنرێت.
 
هەر ئەمڕۆ بەرپرسانی ئێران رایانگەیاند, لەرۆژی یەكشەممەوە, ئاستی پابەندبونیان بە رێكەوتنە ئەتۆمیەكەوە كەمتر دەكەنەوە.

ئەو هەڵوێستەی تاران لەكاتێكدایە. حەسەن رۆحانی سەرۆك كۆماری ئێران رۆژی چوارشەممە رایگەیاند, ئەگەر رێكەوتنێكی نوێی ئەتۆمیی نەكرێت و وڵاتانی ئەوروپا پابەند نەبن بە بەڵێنەكانیانەوە. ئاستی پیتاندنی یۆرانیۆم بەرز دەكەنەوە.

4882 جار خوێندراوەتەوە