قەزای شارەزور؛ برایەك برایەكی خۆی كوشت

01:37 - 28/06/2019
کوردستان

لە قەزای شارەزور گەنجێكی تەمەن 30 ساڵ لەلایەن برایەكی خۆیەوە دەكوژرێت و بەوتەی شاهێدحاڵەكان لەسەر كێشەی كۆمەڵایەتی بوە.

سەرچاوەیەك لە نەخۆشخانەی شەهید رەئوف بەگ، لە قەزای شارەزوور، بە KNNی راگەیاند: درەنگانێكی شەو تەرمی گەنجێكی تەمەن 30 ساڵ گەیەندراوەتە نەخۆشخانەكەیان و ئاسەواری گوللـە بەسەریەوە بووە.

وتیشی: دوای رێكارە یاساییەكان تەرمەكەیان رەوانەی پزیشكی دادی سلێمانی كردووە بۆ لێكۆڵینەوەی زیاتر.

هاوكات بە وتەی شاهێد حاڵەكان، ئەو كەسەی كە كوژراوە هاوڵاتی گوندی كانی كەوەیە لە قەزای شارەزور و لەلایەن برایەكی خۆیەوە لەسەر كێشەی كۆمەڵایەتی تەقەی لێكراوە و كوژراوە.

15437 جار خوێندراوەتەوە