یو ئێن: بەڵگە هەیە بۆ گومانكردن لەوەی كە محەمەد بن سەلمان رۆڵی لە كوشتنی خاشوقچیدا هەبوە

05:37 - 19/06/2019
جیهان

نەتەوەیەكگرتوەكان: دوای كوژرانی خاشوقچی بڕێك پارە بۆ خانەوادەكەی پێشنیاز كراوە
نەتەوەیەكگرتوەكان: لە دۆسیەی كوژرانی خاشوقچیدا لێكۆڵینەوەی وردتر پێویستە


نەتەوەیەكگرتوەكان رایدەگەیەنێت: بەڵگەی متمانەپێكراو لەبەردەستدایە بۆ گومانكردن لەوەی كە محەمەد بن سەلمان، شازادەی جێنشینی سعودیە، رۆڵی لە كوشتنی خاشوقچیدا هەبوە و بۆ سەلماندنی ئەمەش، لێكۆڵینەوەی وردتر پێویستە.


رێكخراوی نەتەوەیەكگرتوەكان، راپۆرتێكی تایبەت بە دۆسیەی كوژرانی جەمال خاشوقچیی رۆژنامەنووسی سعودیەی لە ناو كونسوڵخانەی ئەو وڵاتە لە ئیستەنبوڵ، بڵاوكردەوە و تیایدا هاتوە، كە بەڵگەی متمانەپێكراو لەبەردەستدایە بۆ دانەخستنی دۆسیەی كوژرانی خاشوقچی و گومانكردن لەوەی كە شازادەی جێنشینی سعودیە، رۆڵی لە كوشتنەكەیدا هەبووبێت.

بەپێی راپۆرتەكەی نەتەوەیەكگرتوەكان كە لەلایەن ئەگنیس كالامارد، لێكۆڵەری سەربەخۆی رێكخراوەكەوە ئامادەكراوە، دوای كوژرانی خاشوقچی، لایەنێك بڕێك پارەی وەك قەرەبوو بۆ خانەوادەكەی پێشنیازكراوە و گومان دەكرێت كە ئەو بڕە پارەیە بەپێی یاسا نێودەوڵەتییەكانی مافی مرۆڤ، لە چوارچێوەی قەرەبووكردنەوەدا بێت، بەڵام لە راپۆرتەكەدا بە دیاریكراوی ئاماژە بە بڕی پارەكە و ئەو لایەنەش نەكراوە كە پارەكەی بۆ خانەوادەی خاشوقچی پێشنیاز كردوە.

لە درێژەی ڕاپۆرتەكەدا ئاماژە بەوەش كراوە كە بۆ دڵنیابوونەوە لە گومانەكان, لێكۆڵینەوەی وردتر پێویستە.

220 جار خوێندراوەتەوە