وەزیری نەوتی ئێران وڵاتانی دراوسێ بە دروستكردنی كێشە بۆ بازاڕی نەوت تۆمەتباردەكات

09:06 - 18/06/2019
ئابوری

زەنگەنە: بازاڕی نەوت بازاڕێكی ناجێگیرو بێمانایە

وەزیری نەوتی ئێران وڵاتانی دراوسێ بە دروستكردنی كێشە بۆ بازاڕی نەوت تۆمەتباردەكات و ڕاشیدەگەیێنێت بازاڕی نەوت بازاڕێكی بێماناو ناجێگیرەو كەوتۆتە ژێر هەژمونی سیاسەت و ڕاگەیاندنەكانی ئەمریكاو ئیسرائیل.


ئاژانسی هەواڵی تەسنیم لە زاری بێژەن زەنگەنە وەزیری نەوتی ئێران بڵاوی كردوەتەوە، ژمارەیەك لەوڵاتانی دراوسێ كێشە بۆ وادەی كۆبونەوەكانی ڕێكخراوی ئۆپیك دروست دەكەن.

 دەشڵێت: وابڕیارە كۆبونەوەی ئۆپیك لە25 ی ئەم مانگەدا بەڕێوەبچێت بەڵام وادەی كۆبونەوەكە بۆ 10 مانگی داهاتو دواخراوە بەڵام ڕۆژی 26 ی ئەم مانگە ئێران كۆبونەوەی گرنگی لەگەڵ حكومەتی ڕوسیا هەیەو گۆڕینی وادەی كۆبونەوەكانیش گرفت بۆ وڵاتەكەی دروست دەكات.

زەنگەنە، بازاڕی نەوتی جیهانی بە بازاڕێكی بێمانا دایە قەڵەم ڕایگەیاند: لەئێستادا بازاڕی نەوت ناجێگیرەو كەوتۆتە ژێر هەژمونی سیاسەت و ڕاگەیاندنەكانی ئەمریكاو ئیسرائیل. 

229 جار خوێندراوەتەوە