بەپەلە

ڕۆژنامه‌یه‌كی ئیسرائیل: ئەمریكا سەرگەرمی داڕشتنی پلانی سەربازییە بۆ سەر ئێران

08:54 - 18/06/2019
جیهان

هێرشەكان تەنیا بۆسەر بنكە ئەتۆمیەكانی ئێران دەبێت

 
ڕۆژنامەی جورزلیم پۆستی ئیسرائیلی بڵاوی كردوەتەوە لەئێستادا ئەمریكا سەرگەرمی داڕشتنی پلانی سەربازییە بۆ سەر ئێران، دەشڵێت هێرشەكان تەنیا بۆسەر بنكە ئەتۆمیەكانی ئەو وڵاتەیە.

ڕۆژنامەی جورزلیم پۆستی ئیسرائیلی لە زاری چەند سەرچاوەیەكی دبلۆماسی لەنەتەوەیەكگرتوەكان بڵاوی كردوەتەوە، لەئێستادا ئەمریكا سەرگەرمی داڕشتنی پلانی سەربازییە بۆ هێرشكردنە سەر ئێران و هێرشەكانیش تەنیا بۆسەر بنكە ئەتۆمیەكانی ئەو وڵاتە دەبێت، ڕۆژنامەكە ئاماژەی بەوەشكردوە، بۆ ئەو مەبەستە گفتوگۆی بەردەوام لەنێوان سەركردە سەربازییەكان و نوێنەرانی پنتاگۆن و ڕاوێژكارەكانی سەرۆك ترەمپدا هەیە.

لەبەشێكی تری هەواڵەكەدا هاتوە ئەگەرچی سەرۆك ترەمپ سورنیە لەسەر بڕیاری هێرشكردنە سەر ئێران بەڵام پێدەچێت ئەویش بەم دواییانە گەشتبێتە ئەو باوەڕەی كە گڵۆپی سەوز بۆ مایك پۆمپیۆ وەزیری دەرەوەی ئەمریكا هەڵبكات و هەنگاوی پێویست لەو باریەوە بنێت.

1169 جار خوێندراوەتەوە