بەپەلە

محەمەد مورسی سەرۆكی پێشووی میسر كۆچی دوایی كرد

07:04 - 17/06/2019
جیهان

محەمەد مورسی سەرۆكی پێشوی میسر كۆچی دوایی كرد
میدیاكانی میسر: مورسی لەكاتی دادگایی كردنیدا كۆچی دوایی كردووە

دوای مانەوەی بۆماوەی شەش ساڵ لە زینداندا محەمەد مورسی سەرۆكی پێشوی میسر بەهۆی جەڵدەی دڵەوە كۆچی دوایی كرد.

ئاژانسەكانی هەواڵ بڵاویانكردەوە، محەمەد مورسی سەرۆكی پێشوی میسر لە كاتی بەرێوەچونی پرۆسەی دادگایكردنیدا لەسەر دۆسیەی  دەست تێكەڵكردن لەگەل لایەنی بیانی، دووچاری جەڵدەی دڵ بوەو لەكاتی گەیاندنی بۆنەخۆشخانە كۆچی دوایی كردووە.

محەمەد مورسی، سەرۆكی پێشوی میسر ساڵی 2012 لەیەكەم هەڵبژاردنی دوای شۆرشی میسر بەسەرۆكی ئەو وڵاتە هەڵبژێردرا و دوای ساڵێك لەكودەتایەكدا لەپۆستەكەی دورخرایەوە و دواتر دەستگیركرا.

بەپێی هەواڵی میدیاكانی میسر لەپاش بڵاوبونەوی هەواڵی كۆچی دوایی محەمەد مورسی رێوشوێنی ئەمنی توند لەزۆربەی ناوچەكانی میسرگیراوەتەبەر و هێزێكی ئەمنی زۆر بڵاوەیان پێكراوە.

2801 جار خوێندراوەتەوە