قەڵادزێ؛ لەناو بازاڕدا تەقە لە گەنجێك كرا و گیانی لەدەستدا

10:11 - 17/06/2019
کوردستان

شەوی رابردوو لە ناو بازاڕی قەڵادزێ دەستڕێژی گوللە لە گەنجێكی تەمەن 31 ساڵ  كرا و گیانی لەدەستدا.

پۆلیسی راپەڕین، لە راگەیەندراوێكدا ئاشكرایكرد، شەوی رابردوو، كاتژمێر 11:15  خولەك  هاوڵاتیەك بەناوی ( ح . ح . ا ) لەدایك بووی ساڵی 1988 كە پیشەی كاسب بووە، دانیشتووی گەڕەكی هەنارۆكی قەڵادزێ، بە برینداری گەیەندراوەتە نەخۆشخانەی گشتی قەڵادزێ كە لەلایەن كەسێكەوە لەناو بازاڕ بەچەك تەقەی لێكراوە و پاش گەیاندنی بۆ نەخۆشخانە بەهۆی سەختی برینكەی گیانی لەدەستدا.

ئاماژەی بەوەشكردوە، دوایی ڕووداوەكە هێزەكانیان گەیشتنە شوێنی ڕووداوەكە و مەلەفی لێكۆڵینەوە بۆ ڕووداوەكە كراوەتەوە و لێكۆڵینەوەش بەردەوامە.

2661 جار خوێندراوەتەوە