بەپەلە

بناری قەندیل؛ بەهۆی توانەوەی بەفر لافاو دروست بوو

04:54 - 16/06/2019
کوردستان

بەڕێوەبەری ناحیەی سەنگەسەر ڕایدەگەیەنێت: توانەوەی بەفر لە چیاكانی قەندیل، بۆتە هۆی دروستبوونی لافاو و زیانگەیاندن بە پڕۆژە خزمەتگوزارییەكانی گوندەكانی سنورەكە.

نەهرۆ عەبدوڵا، بەڕێوەبەری ناحیەی سەنگەسەر، بە KNNی راگەیاند: توانەوەی بەشێك لە بەفری چیاكانی قەندیل، بۆتە هۆی دروستبونی لافاو، ئەوەش زیانی بە رێگاوبان و پردو هێڵەكانی كارەباو پڕۆژە خزمەتگوزارییەكانی گوندەكانی بناری قەندیل گەیاندووە.

وتیشی: تیمەكانی كارەباو ئاوەدانكردنەوە توانیویانە بەشێك لەو پڕۆژە خزمەتگوزارییانەی زیانیان پێ گەیشتوە چاكی بكەنەوە، بەڵام بۆ نەهێشتنی ئاسەواری زیانەكان، پێویستیان بە دابینكردنی بودجە هەیە. داواشی لەلایەنە پەیوەندیدارەكان كرد، بودجەی پێویستیان بۆ دابین بكەن.

782 جار خوێندراوەتەوە