بەپەلە

شازادەی جێنشینی سعودییە لۆمەی دەسەڵاتدارانی ئێران دەكات

12:34 - 16/06/2019
جیهان

بن سەلمان: لەكاتی سەردانی ئابێ بۆ تاران هێرشكراوەتەسەر كەشتیەك كەنەوتی بۆ ژاپۆن گواستۆتەوە

شازادەی جێنشینی سعودییە لەڕوداوی هێرشكردنە سەر دوكەشتیەكە لۆمەی دەسەڵاتدارانی ئێران دەكات و داوا لەكۆمەڵگەی نێودەوڵەتیش دەكات لەوبارەیەوە هەڵوێستی یەكلا كەرەوەیان هەبێت.


محەمەد بن سەلمان شازادەی جێنشینی سعودییە لەمیانی گفتوگۆیەكی لەگەڵ ڕۆژنامەی شەرقولئەوسەت و تایبەت بەڕوداوی هێرشكردنە سەر دوكەشتیەكەی بەنداوی عومان، لۆمەی دەسەڵاتدارانی ئێران دەكات بەوەی لەكاتی سەردانی سەرۆك وەزیرانی ژاپۆن بۆ ئێران ڕێز لە شینزۆ ئابێ نەگیراوە و لەلایەن ئێرانەوە هێرشكراوەتە سەر دوكەشتی كە یەكێكیان نەوتی بۆ ژاپۆن گواستۆتەوە.

بن سەلمان ئەوەش دوپات دەكاتەوە كە وڵاتەكەی نایەوێت جەنگێكی نوێ لەناوچەكە سەرهەڵبدات بەڵام لەهەر هەڕەشەو هێرشێكیش بۆ سەر سەروەریی و بەرژوەندیەكانی گەلەكەیان بێ دەنگ نابن.

255 جار خوێندراوەتەوە