ئیمارات؛ ڕوداوی هێرشكردنە سەر دوو كەشتیەكە بەپشتگیری وڵاتێك ئەنجامدراوە

10:32 - 16/06/2019
جیهان

وەزیری دەرەوەی ئیمارات بێ ئەوەی ناوی هیچ وڵاتێك بێنێت ڕایدەگەیێنێت ڕوداوی هێرشكردنە سەر دوكەشتیەكە بەپشتگیری وڵاتێك ئەنجامدراوە.

شێخ عەبدوڵا بن زاید ئال نەهیان وەزیری دەرەوەی ئیمارات لە كۆنگرەیەكی ڕۆژنامەوانی لەگەڵ هاوتا قوبرسیەكەی لە نیقۆسیا وتی، هێرشەكەی ڕۆژی پێنجشەممەی ڕابردو بۆ سەر كەشتیەكان لە كەنداوی عومان ناكرێت بەبێ پشتگیریی و پشتوانی وڵاتێك ئەنجام بدرێت.

ئاماژەی بەوەشكرد، ئیمارات پەنجەی تۆمەت بۆ هیچ وڵاتێك درێژ ناكات و لەگەڵ دۆستەكانیان كاردەكەن بۆ دورخستنەوەی ئەو جۆرە مەترسی و هەڕەشانە لەناوچەكە، ئەم لێدوانەی وەزیری دەرەوەی ئیمارت لەكاتێكدایە لەكاتی هێرشكردنە سەر دوو كەشتیە نەوت هەڵگرەكەی مانگی ڕابردو وەزیری دەرەوەی ئیمارات لە تویتێكدا ئێرانی بەئەنجامدەری ئەو هێرشانە تۆمەتباركرد بەڵام ماوەیەك دوای ئەوە پۆستەكەی سڕیەوە.

619 جار خوێندراوەتەوە