ئۆپۆزسیۆنی بەریتانیا: هیچ بەڵگەیەك نیە ئێران هێرشی كردبێتە سەر كەشتیەكانی نەوت

08:51 - 15/06/2019
جیهان

ئۆپۆزسیۆنی بەریتانیا: هەڵوێستی حكومەتی بەریتانیا مەترسی ئاگری جەنگ خۆش دەكات

سەرۆكی گەورەترین پارتی ئۆپۆزسیۆنی بەریتانیا رایدەگەیەنێت، هیچ بەڵگەیەكی یەكلاكەرەوە لەبەردەستدا نییە، حكومەتی ئێران هێرشی كردبێتە سەر كەشتییە نەوت هەڵگرەكانی كەنداوی عومان.


لەتویتێكدا، جێرمی كۆربین، سەرۆكی پارتی كرێكارانی بەریتانیا، داوای لەحكومەتی وڵاتەكەی كرد، دۆخەكە ئاڵۆزتر نەكات و پەیوەندییەكانی لەگەڵ ئێران تێك نەدات، لەبەر ئەوەی هیچ بەڵگەیەكی یەكلاكەرەوە لەبەردەستدا نییە ئەوە بسەلمێنێت، ئێران هێرشی كردۆتە سەر كەشتییە نەوت هەڵگرەكانی كەنداوی عومان.

جێرمی كۆربین، رەخنەی توندی لە هەڵوێستی وەزارەتی دەرەوەی وڵاتەكەی گرت كە سوپای ئێرانی تۆمەتباركرد، لە هێرشەكانی سەر ئەو كەشتیەو ئاماژەی بەوەكرد، ئەو جۆرە هەڵوێستانە، گرژییەكانی ناوچەكە زیاتر دەكات.

وتیشی، پێویستە حكومەتی بەریتانیا داوای هێوركردنەوەی دۆخەكە بكات نەك ئاڵۆزییەكان زیاتربكات، چونكە هیچ بەڵگەیەك نیە، ئەو لێدوانە ئاگرینانەش، تەنها مەترسی ئاگری جەنگ لەناوچەكە زیاد دەكات.

212 جار خوێندراوەتەوە