خورماتو؛ بۆ ئەوەی گەنم لە سایلۆی قەزاكە وەربگیرێت دەبێت بەرتیل بدرێت

08:46 - 15/06/2019
کوردستان

بەڕێوبەری سایلۆی خورماتوو دان بەحاڵەتەكەدا دەنێت

جگە لە سوتانی دەغڵ و دانی جوتیاران, ئێستا كێشەیەكی تر بۆ جوتیارانی خورماتو زیاد بوە ئەویش بۆ ئەوەی گەنم لە سایلۆی قەزاكە رادەست بكەن دەبێت بەرتیل بدەن یان بۆ ماوەیەكی زۆر لە چاوەڕوانیدا بمێننەوە.


بەڕێوبەری سایلۆی خورماتوو دان بەحاڵەتەكەدا دەنێت و  بازگە و هێزەمنیەكانیش  بە وەرگرتنی پارە لەجوتیاران تۆمەتبار دەكات.
سەرباریی سوتانی داغڵودانەكانیان و بەفیرۆچونی بەشێكی زۆر لە بەرهەمی ڕەنج و ماندوبونیان، لەئێستادا كێشەیەكی تر بەرۆكی جوتیارانی سنوری قەزای خورماتوی  گرتووەتەوە.

 جوتیاران دەڵێن لەلایەن بازگەو هێزەئەمنیەكانەوە بەدەر لەرێنماییەكان، بەشێوەی ناسایایی پارەیان لێوەردەگیرێت‌و، وەك خۆیان دەڵێن یان دەبێ  پارە  بدەن بۆ ئەوەی بەرهەمەكانیان لێ وەربگیرێت یان دەبێ بۆ ماوەیەكی زۆر لە ڕیزی چاوەڕوانیدا بمێننەوە.

بەڕێوبەری سایلۆی خورماتووش دان بەحاڵەتەكەدا دەنێت و بازگە و هێزەمنیەكانی سنورەكە تۆمەتبار دەكات بە وەرگرتنی پارە لەجوتیاران، دەشڵێت سایلۆكەیان ڕۆژانە نزیكەی 1500 تەن گەنم لەجوتیاران وەردەگیرێت.

لەسنوری قەزای خورماتوو 588 هەزار دۆنم زەویی كشتوكاڵی هەیە، بەوتەی بەڕێوەبەری سایلۆی قەزاكە ساڵانە نزیكەی 60 هەزار تەن گەنم لەجوتیارانی سنوورەكە وەردەگیرێت.

357 جار خوێندراوەتەوە