بەپەلە

چوارقوڕنە؛ شوانێك لە ساتی مەلەكردندا خنكا

09:59 - 15/06/2019
کوردستان

چۆمان؛ منداڵێكی چوار ساڵ لە ڕووباری گەلی سەكراندا خنكا

 

لە دوو رووداوی جیادا لە چوارقوڕنە ‌و چۆمان، شوانێكی تەمەن 17 ساڵ لە روباری قەمتەران‌و مندالێكیش لە روباری گەلی سەكران، خنكان...


حسێن عەبدوڵا، وتەبێژی بەڕێوەبەرایەتیی بەرگریی شارستانیی راپەڕین، بەKNNی راگەیاند: گەنجێكی تەمەن 17 ساڵی خەڵكی هەولێر‌و دانیشتووی ناحیەی بالیسان، دوای ئەوەی دوێنێ دیار نەماوە، تەرمەكەیان لە روباری قەمتەرانی سەر بە ناحیەی چوارقوڕنە دۆزراوەتەوە.

 

وتیشی: ئەو گەنجە لەو دێیە، شوانكارە بوە و بە مەبەستی مەلەوانی چۆتە روباری قەمتەران و لە كاتی مەلەكردندا، خنكاوە و دوای گەڕانی تیمەكانی غەواس بۆ ماوەی كاتژمێر و نیوێك، توانراوە تەرمەكەی بدۆزرێتەوە و رەوانەی پزیشكی دادوەری كراوە بە مەبەستی توێكاری ‌و دواتر رادەستی خێزانەكەی كراوەتەوە.

 

لەلایەكی ترەوە، پاشنیوەڕۆی دوێنێ، منداڵێكی تەمەن چوار ساڵی خێزانێكی شارۆچكەی چەمچەماڵ، كە مەبەستی گەشتكردن روویان لە هاوینەهەواری گەلی سەكران لە سنوری قەزای چۆمان كردبوو، كەوتە روبارەكەوە و خنكا..

2940 جار خوێندراوەتەوە