بەپەلە

عەبدوڵا ئۆجەلان پەیامێكی نوێی بڵاوكردەوە

09:41 - 15/06/2019
کوردستان

ئۆجەلان جەخت لەسەر چارەسەركردنی كێشەكانی كورد دەكات بە ڕێگای ئاشتییانە
ئۆجەلان داوای سەربەخۆیی خۆبەڕێوەبەریی هەرێمەكانی ڕۆژئاواو یەكپارچەیی سوریا دەكات

عەبدوڵا ئۆجەلان, ڕێبەری زیندانیكراوی پارتی كرێكارانی كوردستان, پەكەكە, پەیامێكی نوێی لەڕێگەی پارێزەرەكانیەوە بڵاوكردەوە و تێیدا جەخت لە چارەسەری كێشەی كورد لە هەرچوارپارچەی كوردستان دەكات بەشێوەی ئاشتییانەی شكۆمەندانە..

پەیامەكەی عەبدوڵا ئۆجەلان, دوای ئەوە دێت كە پێش چەند ڕۆژێك، تیمێكی پارێزەرانی ناوبراو سەردانی دورگەی ئیمراڵییان كرد‌و دوای گەڕانەوەشیان دوێنێ‌ هەینی 14ی حوزەیران, پەیامەكەیان بڵاوكردەوە.

ناوەڕۆكی پەیامەكەی ئۆجەلان چەند ڕەهەندێك لەخۆ دەگرێت، لەوانە بەگرنگییەوە باسی لە خەباتی مانگرتنەكان كردوە, بەڵام بەو مەرجەی ژیاندۆستی و پاراستنی ڕۆح لەپێشینە بێت. هاوكات لەبارەی چارەسەری كێشەی كورد لە هەرچوارپارچەی كوردستان بەتایبەت باكوری كوردستان, جەختی كردوەتەوە كە تەنها بەڕێگای ئاشتییانەی دیموكراتییانە چارەسەر دەبێت‌و دەشڵێت: پێویستە توركیا لەوە تێبگات كە پێشكەوتنی وڵات بەبێ‌ كوردەكان، نابێت و گۆڕانكاریی دیموكراتی بە بەشداریی هەموو كۆمەڵگا دەكرێت.

لەبارەی سوریاشەوە، بە گرنگیەوە باسی لەوە كردوە كە پێویستە سەربەخۆیی خۆبەڕێوەبەریی هەرێمەكانی ڕۆژئاوای كوردستان، بە یاسا مسۆگەر بكرێت و پارێزگاریش لە یەكپارچەیی سوریا بكرێت...

2670 جار خوێندراوەتەوە