بەپەلە

ئەمریكا بەڵگەی ڤیدیۆیی تێوەگلانی ئێران لە هێرشەكەی كەنداوی عومان بڵاو دەكاتەوە

05:52 - 14/06/2019
جیهان

سوپای ئەمریكا: بەلەمێكی سوپای پاسداران لە كەشتی كۆكاكا كۆرجیس نزیك بوەتەوە

سوپای ئەمریكا، گرتەیەكی ڤیدیۆیی سوپای پاسداران لە كاتی لێكردنەوەی مینێكی چێنراو لە یەكێك لەو كەشتییانەی رۆژی پێنجشەممە، هێرشیان كرایەسەر بڵاو دەكاتەوە.

لە نوێترین پێشهاتدا لەبارەی رووداوی هێرشكردنە سەر دووكەشتیە نەوت گوێزەرەوەكەی كەندوای عومان، فەرماندەیی ناوەندیی سوپای ئەمریكا، گرتەیەكی ڤیدیۆیی وەك بەڵگەی تێوەگلانی ئێران لەو ڕوداوە بڵاوكردەوە.

بیل ئۆربان، وتەبێژ بەناوی فەرماندەیی ناوەندی سوپای ئەمریكا رایگەیاند: ئەو بەلەمەی لەو گرتە ڤیدیۆ ییەدا دەردەكەوێت، سەر بە سوپای پاسدارانی ئێرانەو لەكەشتی كۆكاكا كۆرجیس نزیك بووەتەوە ومینێكی نەتەقیوی لەكەشتیەكە كردووەتەوە.

ئەوەش لەكاتێكدایە، ئێران تەواوی ئەو تۆمەتانە لەبارەی تێوەگلان لە روودای هێرشكردنە سەر كەشتییە نەوت گوێزەرەوەكان لە كەنداوی عومان رەت دەكاتەوە.

6401 جار خوێندراوەتەوە