هیندستان؛ زریانێك لە كەناراوەكانی ویلایەتی گۆجارات ڕووی دا

08:30 - 12/06/2019
جیهان

لێپرسراوانی هیندستان: 250 هەزار كەس لە ترسی زریان شوێنی خۆیان بەجێ هێشتوە


زریانێك لە كەناراوەكانی ویلایەتی گۆجاراتی خۆرئاوای هیندستان هەڵدەكات، ڵێپرسراوانی هیندیش دەڵێن: 250 هەزار كەس لە ترسی ئەو زریانە، شوێنی ژیانی خۆیان بە جێ هێشتوە.


لێپرسراوانی هیندستان ڕایانگەیاند: زریانێك بەخێرایی 170 كیلۆمەتر لە سەعاتێكدا لە كەناراوەكانی دەریای عەرەب لە ویلایەتی گۆجاراتی خۆرئاوای وڵات، هەڵی كردوە، ئاماژەی بۆ ئەوەش كرد، نزیكەی چارەكە ملیۆنێك دانیشتووی ئەو ناوچانە لە ترسی ئەو زریانە شوێنی خۆیان بەجێ هێشتوە.


 لێپرسراوانی هیندستان پێشبینیشیان كرد، سبەی پێنجشەممە ئەو زریانە بەردەوام بێت، بۆیە 39 تیمی بەرگریی نیشتمانی لە ئامادەكاریی تەواودان بۆ ڕووبەڕووبەوونەوەی ئەو زریانە و بە هاناوەچوونی هاوڵاتییان.

ئەمە دوەم جارە لەم وەرزە ئەو زریانە لە ویلایەتی گۆجاراتی خۆرئاوای هیندستان ڕوو دەدا، جاری پێشوو نزیكەی ملیۆنێك هاوڵاتیی ئاوارە بوون و 34 كەسیش بە هۆی ئەو زریانەوە مردن.

115 جار خوێندراوەتەوە