بەپەلە

ads top

فەرەنسا پشتگیریی خۆی بۆ سەرۆكی ئەڵمانیا دووپات دەكاتەوە ئەگەر ببێتە سەرۆكی ئەوروپا

06:26 - 12/06/2019
جیهان

ماكرۆن: ئەوروپا پێویستی بە كەسایەتییەكی بەهێزی وەك مێركڵە

 
مانگی تشرینی یەكەمی داهاتو كۆتایی بە چوار پۆستی یەكێتی ئەوروپا دێت و سەرۆكی فەرەنساش پشتگیریی و پشتوانی خۆی بۆ ئەنگێلا مێركڵ دوپات دەكاتەوە ئەگەر خۆی بۆ سەۆكایەتی یەكێتی ئەوروپا كاندید بكات.


ئیمانوێڵ ماكرۆنی سەرۆكی فەرەنسا لەگفتوگۆیەكی لەگەڵ كەناڵی ئاڕ، تی، ئێسی سویسری لەوەڵامی ئەو پرسیارەی كە ئەگەر ئەنگیلا مێركڵ لەدوای جان كلود یونكر خۆی بۆ سەرۆكایەتی كۆمسیاری یەكێتی ئەوروپا كاندید بكات پشتگیری دەكەیت، لەوەڵامدا سەرۆكی فەرەنسا ڕایگەیاند: بەڵێ بەدڵنیاییەوە چونكە ئەوروپا پێویستی بەكەسایەتی بەهێزی وەك مێركڵ هەیەو ئەویش یەكێكە لەكەسە بەئەزمون و بەتواناكان.

وابڕیارە كۆتایی مانگی تشرینی یەكەمی داهاتو سەرۆكی كۆمسیاران و پەرلەمان و ئەنجومەن و بەرپرسی سیاسەتەكانی دەرەوەی یەكێتی ئەوروپا كۆتایی بە پۆستەكانیان بێت و لەناو ئەو چوار پۆستەشدا دوانیان بۆ ژنان دەبێت و مێركڵیش یەكێكە لەبەربژێرەكان.

255 جار خوێندراوەتەوە