بەپەلە

ads top

كوشكی سپی: ئەمریكا سزای بەسەر 16 كەسایەتیی بازرگانیی سوریا و كۆمپانیای عەرەبیدا سەپاند

06:17 - 12/06/2019
جیهان

ویلایەتە یەكگرتوەكانی ئەمریكا سزا بەسەر 16 كەسایەتیی بازرگانیی سوری و كۆمپانیای عەرەبیدا دەسەپێنێت بە هۆكاری ئەوەی لە قەیرانەكانی سوریادا ڕۆڵی خراپیان هەبووە.

وەزارەتی گەنجینەی ئەمریكا لە ڕاگەیەنراوێكدا ئاشكرای كرد، واشنتۆن سزای بەسەر 3 كەسایەتیی بازرگانیی سووری و 13 كۆمپانیای سوری و ئیماراتی و لوبنانیدا سەپاندوە بە هۆكاری ئەوەی لە قەیرانەكانی سوریادا ڕۆڵی خراپیان هەبووە.

بەپێی زانیارییەكانی ناو ئەو ڕاگەیەنراوەی وەزارەتی گەنجینەی ئەمریكا، یەكێك لە سزادراوەكان بازرگانێكی بەناوبانگی سوریی نزیك لە بەشار ئەسەدی سەرۆكی سوریایە، بە هۆی ئەوەی ملیۆنان دۆلاری لە ڕێگەی پرۆژەی نیشتەجێبوون و داگیركردنی موڵكوماڵی ئەو كەسانەوە كۆ كردوەتەوە كە ئاوارە بوون و زێدی خۆیان بەجێ هێشتوە.

هاوكات ئەوەشی ئاشكرا كردوە، سزاكانی ئەمریكا هەموو ئەو كەسایەتی و لایەن و دامەزراوانە دەگرێتەوە كە لە ساڵی 2011 ەوە دەستیان لە دروستكردنی قەیرانەكانی سوریادا هەبوە، مانگی ڕابردووش دۆناڵد ترەمپ سەرۆكی ئەمریكا داوای لە كۆنگرێسی وڵاتەكەی كرد سزاكانی سەر ڕژێمی سوریا بۆ ساڵێكی تر درێژ بكاتەوە.

140 جار خوێندراوەتەوە