هەڵەبجە؛ ژنان نیگەرانن لە بەشداری پێنەكردنیان لە ناوەندەكانی بڕیاردان و دەسەڵاتدا

04:26 - 12/06/2019
کوردستان

هەڵەبجە؛ ژنان داوای 30%ی پۆستە حكومیی و حیزبییەكان دەكەن

پەراوێزخستنی ژنان لە ئیش و كارە حكومی و حزبیەكان و بەشداری پێنەكردنیان لە كاروبارە ئیداری و سیاسی و كۆمەڵایەتیەكاندا بە ئەندازەی پێویست, ژنانی هەڵەبجەی نیگەران كردوە, وەك خۆیان دەڵێن: لەگەڵ ئەوەی پیاوان كەمتر هەست بە گرفت و كێشەكانی ژنان دەكەن, كەچی لەبری ژنان بڕیار دەدەن.

داواش دەكەن: باڵانسی جێندەری لە كابینەی نوێدا، پەیڕەو بكرێت و ژنان ڕێژەی لەسەدا 30 پۆستەكانیان پێ بسپێردرێت.

بەشداری پێنەكردنی ژنان لە ناوەندەكانی بڕیار و دەسەڵات، حیزبە سیاسەكان و حكومەت دەخاتە بەردەم ڕەخنەی چالاكوانان و ڕۆژنامەنوسان و پارێزەران و ڕێكخراوەكانی ژنان.

بە بڕوای ڕۆژنامەنوسێك،حكومەت لە ستراتیژ و پلانیدا نەبوە  لە پڕۆژەی خزمەت گوزاری و پرسە گرنگەكاندا ڕەچاوی مافی ژنان بكات.

ئەم سەرپەرشتیارە پەروەردەییە،دەڵێت: پیاوان لەبری ژنان بڕیار دەدەن لە دەسەڵات و حیزبەكاندا، بەمەش مەترسی لەسەر نیوەی كۆمەڵگاو نەوەكانی داهاتوو دەبێت.ئەم پاڕێزەرەش دەڵێت،پیاوان هەست بە كێشەكانی ژنان ناكەن لە ناوەندی بڕیاردا.

ئەندامێكی ئەنجومەنی باڵای خانمانی هەرێم دەڵێت، حكومەت و حیزبەكان نایانەوێت لەداواكاری ژنان بگەن.بۆیە ڕۆژ بەڕۆژ سەقفی داواكاریەكانیان زیاد دەكات

 

دەشڵێت،بۆ جێبەجێ كردنی باڵانسی جێندەری  لە كابینەی نوێدا،داوای ڕێژەی سەدا 30 پۆستەكان دەكەن بۆ ژنان.

پێش ئەوەی كابینەی نوێ پێك بهێنرێـت،ڕێكخراوەكان و چالاكوانانی ژنان فشارەكانیان زیاتر دەكەن بۆ ئەوەی لەم كابینە نوێیەدا،ژنان بەڕێژەی سەدا 30 لە پۆستە باڵاكانی حكومەتدا بەژداری پێبكرێن،بۆ ئەوەی لەناوەندی بڕیاردا ژنان لە ئاست داواكاری ژنان تێدەگەن،دەشڵێن لە كابینەكانی پێشوی حكومەتدا،ڕەچاوی باری ژنان نەكراوە لە ناوەندی بڕیار و پڕۆژە خزمەتگوزارییەكاندا.

95 جار خوێندراوەتەوە