بەپەلە

ads top

عێراق؛ ئەو كارمەندە ئەمنییانە دادەمەزرێنرێنەوە كە پێشتر دوورخراونەتەوە یان وازیان هێناوە

09:47 - 08/06/2019
عێراق

عێراق؛ وەزارەتی ناوخۆ 10 ڕۆژ مۆڵەت دەداتە ئەو كەسانەی ئارەزووی دووبارە دامەزراندنەوە دەكەن

حكومەتی عێراق, ڕایدەگەیەنێت: دووبارە ئەو كەسانە دادەمەزرێنێتەوە كە پێشتر بە هەر هۆكارێك بێت لە ڕیزەكانی پاسەوانی سنور و پۆلیسی فیدراڵی و پۆلیسی نەوت و گاز و بەرگریی شارستانی، دوورخراونەتەوە یاخود خۆیان وازیان هیناوە...

بەپێی نووسراوێكی وەزارەتی ناوخۆی عێراق, كە واژۆی محەمەد بەدر ناسر, بریكاری وەزیری ناوخۆی عێراق بۆ كاروباری ئاسایشی لەسەرە و  لە بەرواری 3ی حوزەیران دەرچوە و ئاڕاستەی هەر یەك لە فەرماندەیی پاسەوانی سنور, فەرماندەیی هێزی پۆلیسی فیدراڵی, بەڕێوەبەرایەتیی پۆلیسی نەوت و گاز و بەرگریی شارستانی كراوە، ئاماژە بەوە كراوە: هەر كارمەندێكی ئەو شوێنانەی ئاماژەیان پێكراوە، لەماوەی ڕابردودا و بەهەر هۆكارێك دوورخراونەتەوە یاخود دەستیان لەكارەكەیان هەڵگرتوە, دەتوانن دووبارە ڕێكاری دامەزراندنەوەیان بۆ بكرێت بەو مەرجەی خۆیان بیانەوێت.

لەنووسراوەكەشدا هاتوە: پێویستە ئەو كەسانە لەماوەی 10 ڕۆژدا و لە ڕۆژی دەرچوونی ئەو بڕیارەوە، سەردانی ئەو شوێنە بكەن كە پێشتر دەوامیان لێكردوە, بۆ ئەوەی ڕێكارە ئیداری و یاساییەكانیان بۆ جێبەجێ بكرێت...

409 جار خوێندراوەتەوە