جیهان؛ نرخی نەوت نزمترین ئاستی لە شەش مانگی رابردودا تۆمار كرد

10:41 - 02/06/2019
ئابوری

ئەمڕۆ نرخی نەوتی برێنت بە 61 دۆلار و 99 سەنت مامەڵەی پێوەكرا


جارێكی تر نرخی نەوت دابەزینی بەخۆیەوە بینی و نرخی یەك بەرمیل نەوتی برێنت بۆ خوار 62 دۆلار دابەزی و ئەوەش نزمترین ئاستە لە شەش مانگی رابردوو.


نرخی نەوتی برێنت لە سەدا سێ دابەزینی بەخۆیەوە بینی و ئەمڕۆ نرخی یەك بەرمیل نەوتی برێنت لە بازاڕەكانی جیهان بە 61 دۆلار و 99 سەنت مامەڵەی پێوەكرا، لە كاتێكدا هەفتەی رابردوو یەك بەرمیل نەوتی برێنت بە 65 دۆلار بوو.

هاوكات نەوتی خاوی ئەمریكیش لە  سەدا سێ دابەزینی بەخۆیەوە بینی و   نرخی یەك بەرمیل بە 53 دۆلار و 50 سەنت مامەڵەی پێوەكرا، لە كاتێكدا هەفتەی رابردوو بە 56 دۆلار مامەڵەی پێوەكرابوو.

بەرزبوونەوە و دابەزینی نرخی نەوت پەیوەستە بە ئاستی بەرهەمهێنانی نەوتی بەردین لە لایەن ئەمریكا و كەمكردنەوەی ئاستی بەرهەمهێنانی نەوت لە لایەن وڵاتانی ئۆپیك و سزاكانی ئەمریكاش بۆ سەر ئێران هۆكارێكی ترە بۆ كاریگەری خستنە سەر نرخی نەوت.

460 جار خوێندراوەتەوە