راوێژكارێكی حەسەن رۆحانی هاوژینه‌كه‌ی ده‌كوژێت

11:23 - 29/05/2019
هەمەڕەنگ

راوێژکارێکى حه‌سه‌ن روحانی، سەرۆک کۆماری ئێران ژنەکەی به‌ناوی میترا ئوستاد به‌ چەک کوشت.

ئاژانسه‌كانی هه‌واڵی ئێران بڵاویانكرده‌وه‌، میترا ئوستاد، سینەماکاری کورد بە دەستی هاوسەرەکەی محەممەد عەلی نەجەفی، سه‌رۆكی شاره‌وانی پێشووی تاران و راوێژكاری روحانی کوژرا.

 

میترا ئوستاد کچی برار ئوستاده‌، كه‌ باوكی تەنبوورژه‌نی یارسانی-یه‌ كه‌سێكی به‌ناوبانگه‌، ئه‌م خانمە له‌ دایکبووی 1983 لە شاری ئیسلام ئابادی خۆرئاوایه‌ سەر بە پارێزگای کرماشان لە خۆرهه‌ڵاتی کوردستان بوو.

 

 

میترا ئوستاد، لە چەندین فیلمی کوردیدا ڕۆڵی گێڕاوەو و بە ڕۆڵگێڕان لە فیلمی "واران" نازناوی خۆی خستە ناو سینەمای کوردییەوە.

 

ئەو هونەرمەندە کوردە خەڵکی شاری کرماشانی رۆژهەڵاتی کوردستان بووە و هاوسەری دووهەمی محەممەد عەلی نەجەفی-ه‌و، بۆ جاری دووەم ژیانی هاوسەریی لەگەڵ میترا ئوستاد پێکهێناوە و رۆژی سێشەممە 28-5-2019 بەهۆی ناکۆکی خێزانییەوە لە لایەن هاوسەرەکەیەوە بە دەمانچە تەقەی لێکراوە و گیانی لەدەستداوە.

22753 جار خوێندراوەتەوە