بەپەلە

ads top

رۆحانی: ئەمریكا خەڵكی ئێرانی كردوەتە ئامانج

12:25 - 24/05/2019
جیهان

رۆحانی: ئەمریكا پەشیمان دەكەینەوە لەو جەنگە ئابوورییەی بەرامبەرمان دەیكات
رۆحانی: ئەمریكا ‌و ئیسرائیل دەبەزێنین


سەرۆك كۆماری ئێران رایدەگەیەنێت: ئەمریكا بەو جەنگە ئابوورییەی بەرامبەریان دەیكات، خەڵكی ئێرانی كردوەتە ئامانج‌و دەشڵێت: پەشیمانی دەكەنەوە لەو جەنگەی بەرامبەر ئێران دەیكات.

حەسەن رۆحانی سەرۆك كۆماری ئێران لە وتارێكدا كە لەمیانی رێوڕەسمی ساڵیادی شاری خورەمشاری سەر بە پارێزگای خۆزستان پێشكەشی كرد، ئاماژەی بەوەكرد: لە ساڵانی 1980 بۆ 1988 لە جەنگی عێراقدا، فشاری سەربازیان دەخرایە سەر و خاكەكەیان داگیر دەكرا‌و ئەمڕۆش لە رێی جەنگی ئابورییەوە، خۆشگوزەرانی و بژێویی خەڵكی ئێران، دەكرێتە ئامانج، بەڵام دوژمن پەشیمان دەكەنەوە لە و جەنگە ئابوورییە.

رۆحانی وتیشی: هێرشە ئابورییەكان لە هەڵمەتە سەربازییەكان، ئاڵۆزترن، بەڵام دەبێت دوژمنان لەوە تێبگەن كە نائومێدی لە دڵی گەلی ئێراندا، جێی نابێتەوە‌و هەرگیز دەستبەرداری ئامانجی سەربەخۆییان نابن.

رۆحانی ئاماژەی بەوەش كرد: سەرەڕای بەردەوامیی سزا قورسەكانی ئەمریكا، وڵاتەكەی‌و خەڵكی ئێران، ملیان كەچ نەكردوە و بە خەبات و هەڵوێستی دروست، ئەمریكاو ئیسرائیل دەبەزێنن.

1012 جار خوێندراوەتەوە