سلێمانی؛ سیمینارێك لەسەر مەترسییەكانی مددە هۆشبەرەكان بەڕێوەچوو

05:40 - 22/05/2019
کوردستان

مامۆستایەكی زانكۆ: پێویستە مادە هۆشبەرەكان زیاتر بە خەڵك بناسێنرێن
مامۆستایەكی زانكۆ: ڕێگریكردن لە تەشەنەسەندنی مادە هۆشبەرەكان ئەركی هەموانە


لە زانكۆی گەشەپێدانی مرۆیی، سیمینارێك لەسەر جۆر و زیانەكانی ماددەی هۆشبەر بەڕێوەچوو كە بۆ خوێندكارانی زانكۆكە ڕێكخرابوو. مامۆستایەكی زانكۆ پێیوایە، ئەركی دامەزراوە پەیوەندیدارەكانی حكومەتی هەرێمی كوردستانە، بە ئەركی خۆیان هەستن لە ڕوبەڕوبونەوە و ڕیگریكردن لە تەشەنەسەندنی ماددە هۆشبەرەكان, حكومەتی هەرێمی كوردستانیش بە كەمتەرخەم دەزانرێت كە نەیتوانیوە نەخۆشخانەی تایبەت بە ئالودەبوانی ماددەی هۆشبەر دروست بكات...


ماددە هۆشبەرەكان و كاریگەرییە خراپ و مەترسیدارەكانیان لەسەر تاك و كۆمەڵگە بوە بە یەكێك لە پرسە دیار و گرنگەكان 

مامۆستایەكی زانكۆ ئاماژە بەوە دەكات، ئەركی لایەنە پەیوەندیدارەكانە بە ڕێچگەی جیاواز جۆر و زیانەكانی ماددە هۆشبەرەكان ڕونبكریتەوە  و هەوڵبدرێت بۆ ڕێگریكردن لە تەشەنەسەندنی 

 

تەشەنەسەندنی حاڵەتەكانی ئاڵودەبوون بۆ دیاردەیەكی مەترسیدار، ئەركی هێزە ئەمنییەكان و ناوەندە ئەكادیمی و پەروەردەییەكانی قورستركردووە لە ڕێگریكردن لە هاتنە ناوەوەی ماددەی هۆشبەر و بڵاوكردنەوەی هۆشیاری لە نێو كۆمەڵگەدا 

 

تا ئێستا لە هەرێمی كوردستان، نەخۆشخانەی تایبەتمەند نەكراوەتەوە بۆ چارەسەركردنی ئالودەبوان بە ماددەی هۆشبەر , چەند مانگێك لەمەوبەر بەڕێوەبەری ئاسایشی روبەڕوبونەوەی ماددە هۆشبەرەكانی سلێمانی، باسی لە دروستكردنی 2 نەخۆشخانە كردوە لە هەولێر و سلێمانی، بەڵام تا ئێستا نەچوەتە بواری جێبەجێكردنەوە 

 

نەبوونی ڕێگری پێویست لە دەروازە سنورییەكانەوە، هۆكاری سەرەكی زۆربونی ماددەی هۆشبەرە لە ناوخۆی هەرێمدا, ئامارەكانی تایبەت بە دەستگیركردنی ئالودەبوانی ماددەی هۆشبەریش، زەنگێكی مەترسیدارە و ئەركی بنەبڕكردنی دیاردەكە و ڕوبەڕوبونەوەی فراوان و سەختتر كردوە .

171 جار خوێندراوەتەوە