ئەمریكا؛ دروستكردنی فڕۆكەیەك بەخێرایی سەروو دەنگ كەوتە بواری جێبەجێكردنەوە

05:14 - 21/05/2019
جیهان

ئەمریكا؛ كۆمپانیاكە لەتوانایدا دەبێت لە كاتژمێرێكدا 3هەزار میل ببڕێت


كۆمپانیایەكی ئەمریكی پرۆژەیەكی نوێی بۆ دروستكردنی فڕۆكەی خێراتر لەدەنگ، دەخاتە بواری جێبەجێكردنەوە، بە جۆرێك فڕۆكەكە گەشتی نێوان شاری نیویۆرك و لەندەن، لە ٧ كاتژمێرەوە بۆ تەنها ٩٠ خولەك كەمدەكاتەوە.


لەراگەیەندراوێكدا، كۆمپانیای هارمی ئەمریكی رایگەیاند، كاردەكات بۆ گەشەپێدان بە جۆری فڕۆكەیەك، بۆئەوەی بتوانن بە خێرایی ٣ هەزار میل، لە كاتژمێرێكدا ببڕن.

كۆمپانیاكە ئاماژەی بەوەشكردوە، سودی پرۆژەكە تەنها ئەوە نییە، كاتێكی زۆر بۆ گەشتیاران دەگەڕێنێتەوە، بەڵكو لە لایەنی ئابوریشەوە پرۆژەكە كاردانەوەی باشی دەبێت.

بەپێی راگەیەندراوەكە، پرۆژەكە هاوكارێكی باش دەبێت بۆ ئەو گەشتیارانەی دەیانەوێت بە ماوەیەكی كەم بگەنە ئەو شوێنانەی دەیانەوێت.

كۆمپانیاكە، زانیاریی زیاتری دەربارەی تایبەتمەندییەكانی فڕۆكەكە ئاشكرا نەكرد، لەكاتێكدا چەند كۆمپانیایەكی تریش پرۆژەی دروستكردنی فڕۆكەی سەروو خێرایی دەنگیان دەستپێكردووە.

2392 جار خوێندراوەتەوە