بەپەلە

ads top

ڕوسیا؛ بە بەشداریی 40 هەزار هاوڵاتی فێستیڤاڵی پاسكیلسواری لە مۆسكۆ بەڕێوەچوو

05:00 - 21/05/2019
جیهان

لە شاری مۆسكۆی پایتەختی ڕوسیا بە بەشداریی 40 هەزار هاوڵاتی، فێستڤاڵی پاسكیلسواریی بەڕێوەچوو. بەشداربوانی فێستیڤاڵەكەش دەڵێن: لێخوڕینی پاسكیل، چێژێكی تایبەتی هەیە و هەست بە دەرونێكی ئارام دەكەن، جێگری سەرۆكی شارەوانیی مۆسكۆش دەڵێت: دەیانەوێت لە ڕێگەی ئەو فێستیڤاڵەوە بە هەموو خەڵكی بڵێن كە مۆسكۆ بۆ هەموو كەسێك، كراوەیە.
   
بە بەشداریی 40 هەزار هاوڵاتی، فێستڤاڵی بایسكیلسواریی لە شاری مۆسكۆی پایتەختی ڕوسیا، بەڕێوەچوو.

بەشێك لە بەشداربونی فێستیڤاڵەكە ڕایدەگەیەنن: لێخوڕینی پاسكیل، چێژێكی تایبەتی هەیە و هەست بە دەرونێكی ئارام دەكەن و دەتوانن دیمەنە جوانەكانی شاریش بەتەواوی ببینن.

بەشێكی تر لە بەشداربوان كە منداڵەكانیان لەگەڵ خۆیان بردبوو بۆ فێستیڤاڵەكە، دەڵێن: ئەوان ڕێز لە وەرزش دەگرن و گرنگیی پێدەدەن، دەشڵێن: منداڵەكانیان بۆ ئەوەهێناوە بۆ ئەوەی ببینن چۆن خەڵكانێكی زۆر بەشداری لەو بۆنانەدا دەكەن و حەزیان لە لێخوڕینی پاسكیلە.

لە فێستیڤاڵەكە ڕێنمایی هاتوچۆ و هەندێك ترافیك لایت بۆ خزمەتی بەشداربوان بەكارهێنران. لای خۆیەوە، جێگری سەرۆكی شارەوانی مۆسكۆ ڕایگەیاند، ئامانجیان لەم فیستیڤاڵە ئەوەیە كە دەیانەوێت بە هەموخەڵكی بڵێن كە مۆسكۆ كراوەیە بۆ هەموو كەسێك بەبێ‌ گوێدانە نەتەوە و شوێن و ئاین.

بەشداربوانی فێستیڤاڵی بەهارەی بایسكیلسواریی مۆسكۆ كە زیاتر لە 40 هەزار كەس بەشدارییان تێداكردوە و بەدەوری پایتەختی ڕوسیادا دەسوڕێنەوە، ساڵانە لە وەرزی بەهاردا ئەنجام دەدرێت و سەرجەم چین و توێژەكان بەشداری تێدادەكەن.

91 جار خوێندراوەتەوە