بەپەلە

ads top

جەواد زەریف وەڵامی دۆناڵد ترەمپ دەداتەوە

04:18 - 20/05/2019
جیهان

زەریف بۆ ترەمپ: هەموو ستەمكارەكان بەرامبەر ئێران شكستیان هێناوە 
زەریف بۆ ترەمپ: ورەی ئێرانییەكان زۆر بەرزەو پەشیمان دەبیتەوە  

 

وەزیری دەرەوەی ئێران، وەڵامی هەڕەشەكانی سەرۆكی ئەمریكا دەداتەوەو دەڵێت: ورەی ئێرانییەكان، بەرزەو بە درێژایی مێژوو هەموو ستەمكارەكان شكستیان هێناوە لە لەناوبردنیان‌و ترەمپیش، پەشیمان دەبێتەوە لە هەڕەشەكانی.

محەمەد جەواد زەریف وەزیری دەرەوەی ئێران، لە تویتێكدا رایگەیاند: بە درێژایی هەزاران ساڵه‌، ئێرانییەكان رووبەڕووی ستەمكاریی و هێرش و پەلاماری دوژمنان بوونەتەوە‌و دەشڵێت: ئەوەی ئەسكەندەری گەورەو جەنگیزخان نەیانتوانی بەدی بهێنن و شكست بە ئێران و ئێرانیەكان بهێنن، ترەمپ، دەیەوێت، بەدی بهێنێت‌و جەختیشی كردەوە لەوەی، ورەی ئێرانییەكان بەرزەو بە درێژایی مێژوو هەموو ستەمكارەكان، شكستیان هێناوە لە لەناوبردنیان‌و ترەمپیش پەشیمان دەبێتەوە لە هەڕەشەكانی.

دوێنێ، دۆناڵد ترەمپ سەرۆكی ئەمریكا لە تویتێكدا هۆشداریی دا بە ئێران و وتی: پێویستە هەڕەشە لە ویلایەتە یەكگرتوەكان نەكەن و شەڕ هەڵنەگیرسێنن، ئەگەر نا ئەوا كۆتایی ئێران و ئێرانییەكان دەبێت.

6227 جار خوێندراوەتەوە