گۆشەگیری سەر عەبدوڵا ئۆجەلان هەڵگیرا

06:14 - 16/05/2019
کوردستان

وەزیری دادی توركیا هەڵگرتنی قەدەغەی دیدار لەسەر عەبدوڵا ئۆجەلان و پارێزەرەكانی راگەیاند.

عەبدولحەمید گویل، وەزیری دادی توركیا، لەلێدوانێكی رۆژنامەوانیدا رایگەیاند، قەدەغەی دیداری سەر عەبدوڵا ئۆجەلان، رێبەری زیندانیكراوی پارتی كرێكارانی كوردستان، پەكەكە، و پارێزەرانی هەڵگیراوەو لەمەودوا پارێزەران دەتوانن سەردانی ئیمرالی بكەن بۆ ئەنجامدانی دیدار لەگەڵیدا.

ئەو هەنگاوەی توركیا دوای ئەوە دێت، كە ژمارەیەك چالاكی وەك مانگرتن دژی گۆشەگیری سەر ئۆجەلان، لە زیندانەكان و دەرەوەی زیندانەكان، ئەنجامدران، ئەو چالاكییانەش هۆكارێكی سەرەكی هەڵگرتنی گۆشەگیری سەر ئۆجەلان بوون.

عەبدوڵا ئۆجەلان، رێبەری زیندانیكراوی پارتی كرێكارانی كوردستان، لە رۆژی 15ی شوباتی 1999 لە گەلەكۆمەكێیەكی نێودەوڵەتیدا لە نایرۆبی پایتەختی وڵاتی كینیا دەستگیركرا.

2111 جار خوێندراوەتەوە