بازیان؛ لەشەڕی دوو بنەماڵەدا کوژراو و برینداری لێکەوتەوە

09:50 - 15/05/2019
کوردستان

لەناحیەی بازیانی سەر بە سلێمانی, بەهۆی شەڕی دوو بنەماڵەوە كەسێك كوژرا و سێ‌ كەسی دیكە برینداربون.

پەیامنێری KNN ڕایگەیاند: درەنگانێكی ئێوارەی ڕۆژی سێ شەممە, بەهۆی كێشەی كۆمەڵایەتی و شەڕی دوو بنەماڵەوە, لەناحیەی بازیان كەسێك كوژراوە و سێ‌ كەسی دیكە برینداربون.

 

وتیشی؛ بەپێی وتەی شایەتحاڵەكان ئەوكەسەی كە لەشەڕەكەدا كوژراوە پێشتر كەسێكی كوشتوە و هۆكاری شەڕەكەی ئێستاش بەوهۆیەوە بوە.

 

هێزە ئەمنیەكان چونەتە شوێنی ڕووداوەكە و تا درەنگانێكی شەو لەشوێنی ڕووداوەكە ماونەتەوە بەمەبەستی ڕێگریكردن لە بەردەوامبونی شەڕەكە, لێكۆڵینەوەش لە رووداوەكە دەستیپێكردوە.

 

ماوەیەكە لە ناوچە جیاجیاكانی هەرێمی كوردستان, رووداوەكانی كوشتن و بەكارهێنانی چەك لە یەكلایی كردنەوەی كێشە كۆمەڵایەتییەكاندا رووی لەهەڵكشان كردوە, هۆكارەكەشی بۆ ئەوە دەگەڕێتەوە كە لەكاتی بانگەشەی هەڵبژاردنەكاندا حزبە دەسەڵاتدارەكان بەردەوام بۆ دەستخستنی دەنگی زیاتر چەكیان بەخشیوەتەوە بەسەر خەڵكدا.

1181 جار خوێندراوەتەوە