ئەمریكا؛ پێكدادان لە نێوان دوو فڕۆكەی گەشتیاریدا ڕووی دا

09:54 - 14/05/2019
جیهان

ویلایەتی ئالاسكا: 5 كەس لە ڕووداوی پێكدادانی دوو فڕۆكە گیانیان لەدەستدا

 
دوو فڕۆكەی گەشتیاری لە ئاسمانی ویلایەتی ئالاسكای ئەمریكا پێكدادەدەن و بەهۆیەوە پێنج كەس گیان لە دەست دەدەن.


ڕۆژنامەی واشنتن پۆست بڵاوی كردەوە، ئەمڕۆ سێشەممە دوو فڕۆكەی گەشتیاری لە ویلایەتی ئالاسكا-ی باكووری ‌وخۆرئاوای ویلایەتە یەكگرتوەكانی ئەمریكا بەریەك كەوتن و بەو هۆیەوە پێنج كەس گیانیان لەدەستدا و یەكێكیش لە سەرنشینەكان تا ئێستا بێ سەروشوێنە.

ڕۆژنامەكە ئاماژەی بەوەش كرد، هەردوو فڕۆكەكە پێكەوە 14 سەرنشینیان هەڵگرتوە و سەرجەمیشیان لە گەشتێكی حەوت ڕۆژەدا بوون كە پێشتر لە ڤانكوڤەر-ەوە بەڕێكەوتوون.

دوابەدوای ڕووداوەكە كۆمپانیای "ڕۆیاڵ پرینسێس"ی گەشتیاریی ئەمریكی كە خاوەنی هەردوو فڕۆكەكەیە لە ڕێگەی واشنتن پۆستەوە هاوخەمیی خۆی بۆ كەسوكاری قوربانییەكان ڕاگەیاند.

268 جار خوێندراوەتەوە