دەستە سەربەخۆكان و پلە وەزیفییە تایبەتەكان بۆمبێكی ترن لەبەردەم كابینەكەی عەبدولمەهدیدا

02:42 - 13/05/2019
عێراق

عێراق؛ ژمارەیەك پەرلەمانتار پێیان وایە دەبێت ئەو دەستەو پلە تایبەتانە بدرێنە كەسانی سەربەخۆ
هاوپەیمانی چاكسازی و بونیادنان: دەبێت لەسەر بنەمای قەبارەی لایەنە سیاسییەكان دابەش بكرێن


دەستە سەربەخۆكان و پلە وەزیفیە تایبەتەكان بۆمبێكی ترە لەبەردەم كابینەكەی عادل عەبدولمەهدی و ژمارەیەك لەپەرلەمانتاران پێیانوایە دەبێت ئەو دەستەو پلەتایبەتانە بدرێن بەكەسانی سەربەخۆو لایەنە سیاسییەكانیش ڕایانوایە دەبێت بەگوێرەی قەبارەی لایەنە سیاسییەكان دابەش بكرێن.


ئەگەرچی لەئێستادا ساڵێك بەسەر هەڵبژاردنە پەرلەمانیەكەی عێراق تێدەپەڕی َو تائێستاش كابینەكەی عادل عەبدولمەهدی بەتەواوەتی پێكنەهاتوە بەڵام دەستە سەربەخۆكان و پلە تایبەتەكانیش بونەتە لەمپەڕو بۆمبێكی چێنراوی دیكە لەبەردەم كابینەكەی عادل عەبدولمەهدی، ڕۆژنامەی سەباح جەدیدی عێراق بڵاوی كردوەتەوە لەئێستادا هاوپەیمانی چاكسازیی و بونیادنان لیژنەیەكیان بۆ دانوستان لەگەڵ عادل عەبدولمەهدی سەرۆك وەزیران پێكهێناوە.

حازم خالدی لەهاوپەیمانی نەهجی وەتەنی ڕایگەیاندوە:ئەو لایەنانەی ئەم دۆسیەیان وروژاندوە ئەوانەن كەهەست بەوەدەكەن غەدریان لێكراوەو ئەگەری ئەوەش هەیە ئەو لایەنانە ببنە ئۆپۆزسیۆن.

197 جار خوێندراوەتەوە