سلێمانی؛ دەست بەسەر نزیكەی دوو تەن خورمای خراپبوودا گیرا

08:11 - 12/05/2019
کوردستان

سلێمانی؛ دەست بەسەر 35 تەن پاككەرەوەی خراپبوودا گیرا

لیژنە هاوبەشەكانی قائیمقامیەتی سلێمانی, لە دوو هەڵمەتی جیادا، دەست بەسەر نزیكەی دوو تەن خورمای خراپبوو و لەگەڵ 35 تەن مادەی پاككەرەوەی خراپبودا دەگرن.
قائیمقامیەتی سلێمانی بڵاوی كردوەتەوە: لیژنەی كۆگاكانی سەر بە لیژنە هاوبەشەكانی قائیمقامیەتی سلێمانی, دەستیان بەسەر تەنێك و 600 كیلۆگرام خورمای خراپبودا گرتوە.

هاوكات, چیمەن بایز، نوێنەری بەڕێوەبەرایەتی كوالێتی كۆنتڕۆڵی جۆری سلێمانی لە لیژنە هاوبەشەكان, رایگەیاند: دەست بەسەر بڕی 35 تەن ماددەی پاككەرەوەدا گیراوە كە لە پشكنیندا دەركەوتوه، شیاوی بەكارهێنان نییە و زیان بە پێستی ئەو كەسانە دەگەیەنێت كە بەكاریدەهێنن.

وتیشی: ئەو پاككەرەوەی دەستی بەسەردا گیراوە، لەجۆری (پلورا)یەو بە بۆنەكانی شلك و لیمۆ سێو دروستكرا بوو.

راشیگەیاند: لەلایەن لیژنەی لەناوبردنەوە، تەواوی ئەو ماددەی دەستی بەسەردا گیراوە، لەناودەبرێت و خاوەنەكانیشیان رووبەرووی یاسا دەكرێنەوە.

137 جار خوێندراوەتەوە