فرۆكەی بی 52 چیه‌ و چۆن كارده‌كات؟

07:53 - 11/05/2019
جیهان

فرۆكەی بی 52 یەكێكە لەداهێنا سەرسوڕهێنەرەكانی بواری تەكنەلۆژیای سەربازی، فرۆكەی بی 52 توانای هاویشتنی ئەوموشەكانەی هەیە كە هەڵگری كڵاوەی ئەتۆمین، فرۆكەكە لەتوانایدایە 51 موشەك كەكێشی هەریەكێكیان 227 كیلۆیە هەڵبگرێت، لەپاڵ ئەمەشدا توانای هەڵگرتنی 30 موشەكی هێشوویی و كرۆزی هەیەو لەچەندان جەنگیشدا بەكارهێنراوە.

دروستكردنی فرۆكەو چەكو چۆڵی جەنگی یەكێكە لەهەوڵەبەردەوامەكانی وڵاتە زلهێزەكانی دونیا، فرۆكەی بی 52 كە ئێستا جارێكی تر ناوی كەوتۆتەوە ناو ناوان و لەسەروبەندی ئەگەری ڕودانی جەنگی ئێران ئەمریكا ئێستا بەبایەخەوە باسی لێدەكرێت یەكێكە لەفرۆكە گەورەو بەهێزو مەترسیدارەكان.

 بی 52  سەرەتای دروستكردنی بۆ ساڵانی چلەكانی سەدەی پێشو دەگەڕێتەوە و لەنیسانی ساڵی 1952 دا بۆیەكەمجار تاقیكراوەتەوەو لەساڵانی 1954- 1955 یش هاتە ناو هێزی ئەمریكا، لەسەرەتادا ئەم فرۆكەیە بۆ هاویشتنی موشەكی ئەتۆمی دروستكرا چونكە توانای ئەو موشەكانەی هەیە كە هەڵگری كڵاوەی ئەتۆمین بەڵام لەئێستادا بۆ هاویشتنی فرۆكەی ئاسایش كەڵكی لێوەردەگیرێت.

توانای ئەو موشەكانەی ئەم فرۆكەیە لەكاتی هاویشتنیدا بەریدەداتەوە 32 تۆنە، لەجەنگی دوەمی كەنداودا كاتێك ئەمریكا دەیویست پێگەكانی عێراق بكاتە ئامانج % 40ی بۆمبارانەكان لەڕێگەی ئەم فرۆكانەوەبوو، هەروەك لەجەنگەكانی كوباو ڤێتنام و ئەفغانستان و بەم دواییانەش لەبۆردومانی پێگەكانی چەكدارانی داعش بەكارهێنراوە.

 دریژی فرۆكەكە 49 مەترەو پانیەكەشی 50 مەترەو لەكاتژمێرێكدا هەزارو 14 كیلۆمەتر دەبڕی، َ لەمانەش گرنگتر لەتوانایدایە 12 هەزارو 870 كیلۆمەتر بەبێ سوتەمەنی بڕوات و توانای هەڵگرتنی 4 هەزارو 536 كیلۆی هەیەو  تابەرزایی 50 هەزار پێ كە دەكاتە 15 هەزار و 240 كیلۆمەتر بەرز دەبێتەوە.

فرۆكەكە لەتوانایدایە 51 موشەك كەكێشی هەریەكێكیان 227 كیلۆیە هەڵگرێت، لەپاڵ ئەمەشدا توانای هەڵگرتنی 30 موشەكی هێشوویی و كرۆزی هەیە، لەئێستادا ئەمریكا خاوەنی 44 فرۆكەی لەم جۆرەیەو دەتوانێت تا 50 ساڵی دیكەش خزمەت بكات بەڵام بی 52 ش هاوشێوەی هەر فرۆكەیەكی دیكە دەتوانرێت بكرێتە ئامانج و لەڕابردوشەوە تائێستا چەندان فرۆكەی لێ كەوتۆتە خوارەوە.

11669 جار خوێندراوەتەوە