هەولێر؛ یادی رۆژی جیهانیی نەخۆشی تالاسیمیا كرایەوە

08:14 - 08/05/2019
تەندروستی

هەولێر؛ 859 كەس نەخۆشیی تالاسیمیایان هەیە

بە دروشمی ئازارەكان هەرچەندە زۆربن هیواكان زۆرترن، یادی رۆژی جیهانیی تالاسیما لە هەولێر، كرایەوە، بەپێی ئامارەكانی كۆمەڵەی تالاسیمیای هەولێر، تەنها لەو شارە  859 كەس نەخۆشیی تالاسیمیایان هەیە، پسپۆڕێكی نەخۆشیەكەش دەڵێت: دەتوانرێت لە رێگەی چاندنی مۆخی ئێسكەوە، چارەسەری نەخۆشییەكە بكرێت.

بەبۆنەی ڕۆژی جیهانی نەخۆشی تالاسیمیا بە دروشمی ( ئازارەكان هەرچەندە زۆربن هیواكان زۆرترن ) ئەو یادە لەشاری هەولێر كرایەوە.

بە پێی ئامارەكانی كۆمەڵەی تالاسیمیای هەولێرتەنها لەو شارە  859 كەس نەخۆشی تالاسیمیایان هەیە، ئەو كۆمەڵەیە داوا دەكەن چیتر دەرمان و پێداویستی پزیشكی تووشبووانی ئەو نەخۆشیە نەبڕدرێت و  هاوكاری زیاتریان بكرێن ، پسپۆرێكی نەخۆشیەكەش دەڵێت "لە رێگەی چاندنی مۆخی ئێسك، چارەسەری نەخۆشیەكە دەكرێت و داوا دەكات هەموو كەسێك پێش هاوسەرگیری پشكنینی پزیشكی بكات".

كەس و كاری نەخۆشەكان دەڵێن چارەسەری نەخۆشیەكە لەدەرەوەی كوردستان هەیە و لەلایەن حكومەتەوە پشتگریان كراوە، بەڵام تا ئێستا رەوانە نەكراون داوا دەكەن  گرنگی زیاتر  بەو نەخۆشانەی تالاسیمیا بدرێت بۆ چارەسەر كردن.

هەموو ساڵێك لە رۆژی 8/5دا  یادی نەخۆشی تالاسیمیایە لە جیهاندا، لەو رۆژەدا چالاكی و هۆشیاری جۆراوجۆر ئەنجام دەدرێت،نەخۆشی تالاسیمیا نەخۆشیەكی درێژخایەنە و دەبێت هۆی كەم خوێنی لە جەستەی مرۆڤدا لەئێستادا لەهەرێمی كوردستان لەرێگەی پێدانی خوێن چارەسەری ئەو نەخۆشیە دەكرێت.

158 جار خوێندراوەتەوە