لە کاتی بەربانگدا بەم جۆرە سیستمی خۆراکیت رێکبخە

11:22 - 08/05/2019
هەمەڕەنگ

خواردنی شۆربا لە ئێواراندا زۆر گرنگە
سەوزە و میوە و شیرەمەنییەكان بۆ پارشێو زۆر گرنگن

 

رۆژوانان لە مانگی رەمەزاندا بۆماوەی زیاتر لە پانزە كاتژمێر هیچ جۆرە خواردن و خواردنەوەیەك ناچێتە گەدەیەوە، بۆیە  ئەو كاتەی كە بەربانگ دەكاتەوە پێویستە ئەو خۆراكانە بخوات كە بۆ تەندروستی بە سوودن.

 

ئەمە جگە لەوە پێویستە لە  ژەمی پارشێودا گرنگی بە خواردنی چەند خۆراكێكی تەندروست بدرێت، لەمەوە پسپۆڕانی بواری خۆراک چەند رێنماییەک دەدەنە رۆژوانان بەگرنگی دان بە نیشاستەییەکان، شیرەمەنییەکان، گۆشت و میوەو سەوزەکان.

 

بەڕای پسپۆڕان، بەربانگ بە خورما بکرێتەوەو پاشان شۆربا، تاوەکو گەدە بەئاسانی کارو فرمانەکانی خۆی جێبەجێ بکات.

 

بە پێویستیشی دەزانن، کە ماوەیەک هەبێت لە نێوان بەربانگ و خواردنی سەرەکی و گرنگی دان بە سەوزەمەنی و ئەو خواردنانەی ریشاڵ و پرۆتینیان زۆرە، رێنماییش دەدەن لە دورکەوتنەوە لە خواردنە چەوری و شیرینییەکان لەو کاتەدا.

 

 

625 جار خوێندراوەتەوە