شاسوار عەبدولواحید هەڕەشە لە ئەندامانی باڵای حزبەكەی دەكات

08:11 - 24/04/2019
کوردستان

شاسوار عەبدولواحید هەڕەشەی بڵاوكردنەوەی گرتەی سێكسی لە ئەندامانی حزبەكەی دەكات

شاسوار عەبدولواحید بۆ بێدەنگكردنی ئەو ئەندامانەی حزبەكەی كە رەخنەی لێدەگرن، هەڕەشەی بڵاوكردنەوەی گرتەی سێكییان لێدەكات، ئەوەش لەكاتێكدایە شاسوار عەبدولواحید خۆی‌و حزبەكەشی (نەوەی نوێ‌) بەردەوام باس لە ماف‌و ئازادیی رەخنەگرتن ‌و ئازادییە تاكەكەسییەكان دەكەن.


شاسوار عەبدولواحید سەرۆكی جوڵانەوەی نەوەی نوێ كە تەمەنی جوڵانەوەكەی دە مانگی تێنەپەڕاندووە.

هێشتا مۆمی یەكەمین ساڵیادی لەدایكبوونی جوڵانەوەكەت دانەگیرساند، ڕوی ڕاستەقینەت لای خەڵك‌و خوا ئاشكرا بوو كە تۆ چیت‌و كێیت.

كاتێك بانگەشەی دیموكراسی و  عەدالەت دەكەیت ‌و بەڵێنی ئەوەت دەدا كە ژیانی خەڵك بەجۆرێك بگۆڕیت هاوشێوەی كۆشك ‌و تەلارە شاهانەكەی جەنابت بن، تۆیەك كە رەخەنەت پێ قبوڵ نیە و بەرگەی ڕای جیاوازیش ناگریت، تاكارگەیشتە ئەوەی تاكڕەوانە بڕیارت لەسەر جوڵانەوەكەت دەدا و هەر كاتێكیش رەخنەیەكت  لێبگیرێت هەڕەشەی لێدەكەیت ‌و لەڕێگەی سەدان لاپەڕی تۆڕە كۆمەڵایەتیە بێ باوك‌و دایكەكانتەوە  هێرشی دەكەیتە سەرو ناویان دەزڕێنیت.

تۆیەك بەدرێژایی ئەو ماوەیەی هەڵتۆقیویت بە پارەی بەناحەق خوراوی خەڵكی رەش‌و ڕوتی ئەم شارە، كاتێك پرۆژە تەواو نەكراوەكانت پێ تەواو كرد‌و، پارەت پێ پەیدا دەكرد تا ئەم ساتەوەختەش دینارێكت نەداوەتەوە بە هیچكام لەوهاوڵاتیانەی كە بەشداربوون لە پشكەكانی چاڤیلاند.

 ئەمە سەرباری ئەو پارانەی بەناوی وەبەرهێنان ‌و پرۆژە شكستخوادرووەكانتەوە لەو حكومەتەت قەرزكردووە كە شەو رۆژ بە قەولی خۆت، بە دز‌و گەندەڵی جوتحزب باسیان دەكەیت. جا كاتێك دەمت دەكه‌یتەوە، بە ڕاست ‌و چەپ بە چاك ‌و خراپ، جگەلە خۆت ‌و بۆچونەكانی خۆت، نە بەرنامەی كەست پێباش بوە نەپێشت وابووە كەسێكی تر هەیە لەم دونیایە لەتۆ باشتر بیردەكاتەوە‌و دەیەوێت ژیانی دۆخی ئەم وڵاتە باش بكات.

ئەی پێمان ناڵێیت ئەوەكێ ئەو مافەی پێداویت دەستدرێژیی بكەیتە سەرمافی ئازادیی ژیانی كەسی هەموو ئەوانەی تا دوێنێ لەتەك زاتێكی وەك تۆدا حزوریان هەبووە ‌و جۆڵانەوەكەیان ئاراستە دەكرد، كەچی ئەمڕۆ لە كونفەیەكونێكدا بوون بە خۆفرۆش ‌و لەشفرۆش ‌و جاسوس و ئاراستەكراوی دەستی ئەم حزب‌و ئەو حزب.
 
خەڵكی كوردستان ‌و ڕایشگی خۆیان باش ئاگاداری ئەوەن، ئەوكاتەی  هۆڵی سپیت پڕدەكرد لەگەنجانی خوارتەمەن 18 ساڵ بۆ پڕبونی كورسیەكانی ناوهۆڵەكە و  چەند مامۆستایەكی ئاینت بۆ مەرامی خۆت دەهێنا‌و بەكارت دەهێنان لەڕیزی پێشەوە دات ئەنان، ئیتر خوتبەت دەدا  بەگوێ دیموكراسی ‌و ئازادی ‌و ئازادی تاك ‌و خۆشگوزەرانی ‌و تا ئەوپەڕی بۆت دەكرا، قسەی باقوبریقت دەكرد‌و وات نیشان دەدا كەس ڕاست ناكات، تۆ نەبێت.

ئەی ئێستا دوای ئاشكرا بونی ڕوی ڕاستەقینەت، پێمان ناڵێیت كام یاسا كام دەوڵەت كام حكومەت ‌و پەرلەمان ‌و داواكاری گشتی ‌و مافی مرۆڤ‌و رێكخراو ڕایشگی خەڵكی كوردستان، رێگەی پێداویت كە كچ ‌و كوڕی خەڵك شایستەی ئەوەبن لەژێر ڕەحمەتی تۆدا ژیانیان بخرێتە مەترسیەوە و شەو رۆژ ژیانیان لەژێر چاودێری زاتێكی وەك تۆ‌و دارودەستەكەتدابێت كە هەركەس ڕۆژێك پێچەوانەی تۆ بیركردەوە ئیتر دەبێت بەهەڕەشەكردن لەسەر شەرەفی بێدەنگی بكەیت.

ئێمە هیچ ناڵێن خەڵكی كوردستان خۆتان گوێ لە شادی نەوزادی پەرلەمانتاری فراكسیۆنی نەوەی نوێ بگرن لەپەرلەمانی كوردستان بزانن چۆن باسی ئایندەی ئەو كچ ‌و كوڕانە دەكات كاتێك هاتوون بۆ ئۆفیسەكانی جوڵانەوەكەت.

ئێستاو لەدوای ئاشكرابونی ڕاستیەكان، چی بەو خەڵكانە دەڵێت كە دەنگیان بەجوڵانەوەكەت داوە، ئەی چی بەخەڵكی كوردستان دەڵێت : كە تۆ كوردستانت  بەدەستە خوشكی دوبەی ‌و ئەو وڵاتانە دەشوبهان كە بەهەشتی سەرزەمین بوون ‌و بەڵێَنی بریقەدارت دەدا ، رۆژێك دێت لەسەر دەستی جەنابت وای لێدێت.

ئێستا خەڵكی كوردستان باش تێگەیشتوون لەوەی حكمڕانی بەكەسانێك ناكرێت حوكمی پۆلیسی بهێنێتە ئاراوە‌و هەر بن دارو دیوارێك كامێرا‌و جاسوسێكی لێبێت, خەڵكی كوردستان ئەو كەسانەی ناوێت بۆ بەرژوەندی مانەوەی خۆی دەست بەرێت بۆ شەرف‌و ناموسی دایك‌و خوشەكەكانی.

دواجار ئەگەر لەم وڵاتەی كە تۆ هەزار ناو ناتۆرەت لێناوە ئەگەر یاساو حكومەت ‌و عەدالەت هەبێت دەبێت لەسەر ئەم كارو كردوە قێزەونانەت  ڕوبەڕوی یاسا بكرێتەوە لەژێر ناونیشانی تێكدانی تەونی كۆمەلایەتی‌و دەست بردن بۆژیانی شەخسی تاكەكەسی ... وەك ئەو هاوڵاتیەی لەكۆمێنتی پۆستی كۆنگرە رۆژنامەنوسیەكەی پەرلەمنتارانی فراكسیۆنی نەوی نوێدا نوسیبوی تۆ ناپاكی بەرامبەر سەركردەكانی خۆت بكەین ئەی چۆن نوێنەرایەتی میلەتێكت پێدەكرێت.

2204 جار خوێندراوەتەوە