بەهۆی نەبونی بەڵگەی پێویست تۆمەتبارێكی دۆسیەكەی سێوان قادری ئازادكرا

01:47 - 22/04/2019
کوردستان

بەهۆی نەبونی بەڵگەی پێویست، دادگای سلێمانی بڕیاری ئازادكردنی یەكێك لەتۆمەتبارانی دۆسیەكەی سوتانی سێوان دەركرد.

پارێزەر سامی ساتی ، بە KNN ڕایگەیاند : دوای چوارمانگ لەڕوداوی سوتانی سێوان قادر و منداڵەكانی، ئەمڕۆ دوشەمە دادگای سلێمانی بەهۆی نەبونی هیچ بەڵگەیەك لەسەری، بریاری ئازادكردنی یەكێك لەوكەسانەی دا كە تۆمەتباربوو بەتێوەگلان لەو دۆسیەیە، كە ژنێكی دراوسێی ماڵی سێوان قادر بوو.

 لەبارەی دروستبونی هیچ پێشیەنەیەكی تری كێشە  كۆمەڵایەتی بۆ ئەو هاوڵاتیەی كەلەسەر ئەو دۆسیەیە دەستگیركرابوو، پارێزەرەكەی وتی كەسوكاری ژنەكە لەگەڵ مێردەكەیدا بەردەوام بەدوای دۆسیەكەوە بوون ‌و هیچ كێشەیەكی خێزانیان بۆدروست نەبووە ‌و  بگرە دوای ئەوەی بڕیاری بەرای لەلایەن دادگاوە بۆدەرچووە خێزانەكەیان دڵخۆشبوون كەبۆ ڕای گشتی خەڵكی كوردستان ئەو كەسە بێ تاوانبووە.

12221 جار خوێندراوەتەوە