بنگرد؛ لە رووداوێكی هاتوچۆدا 13 كەس بوونە قوربانی

06:14 - 19/04/2019
کوردستان

بنگرد؛ لە رووداوە هاتوچۆكەدا 6 كەس گیانیان لەدەستداوە 
بنگرد؛ لە رووداوە هاتوچۆكەدا 7 كەس بریندار بوون
بنگرد؛ زۆرینەی قوربانییانی ڕووداوەكە ژن‌و منداڵن

بەهۆی رووداوێكی هاتوچۆوە لە نێوان گوندی سەرسیان نزیك دەربەندی رانیە و بنگرد، 13 كەس بوونە قوربانی.

خۆشناو حەسەن، وتەبێژی بەڕێوەبەرایەتیی هاتوچۆی راپەڕین، بە KNNی راگەیاند: بەهۆی پێكدادانی دوو ئۆتۆمبیل لە جۆری تۆیۆتا پیكاب و تۆیۆتا كامری، شەش كەس گیانیان لەدەستدا و حەوت كەسی تریش بریندار بوون كە چوار لەوانەی گیانیان لەدەستداوە، ئافرەتن و دوانەكەی تریش منداڵان.

ئاماژەی بەوەش كرد: بریندارەكانیش، دوانیان ئافرەتن و سیانیان پیاون و دوانەكەی ترشیان منداڵن ‌و بەهۆی قەرەباڵغیی رێگاكەشەوە، سەرەتا قوربانییەكان بە بەلەم گواستراونەتەوە بۆ نەخۆشخانە‌و پاشان بریندارە ژن و منداڵەكان، گواستراوەنەتەوە بۆ نەخۆشخانەكانی سلێمانی و وتیشی: زۆربەی قوربانییەكان، دانیشتووی ناوچەكە بوون.


12596 جار خوێندراوەتەوە