ئەمڕۆ رۆژی ژینگەی كوردستانە

09:33 - 16/04/2019
کوردستان

ئەمڕۆ رۆژی ژینگەی كوردستانە و ساڵانە لە هەرێمی كوردستان لەم رۆژەدا، چەندین چالاكی ئەنجامدەدرێن بۆ ئەوەی هۆشیاری تاك بۆ پاراستنی ژینگە بەرزبكرێتەوە.

 لە ساڵی 2008ەوە، 16ی نیسانی هەموو ساڵێك، كە هاوكات ساڵیادی كیمیابارنی بالیسان و شێخ وەسانانە، وەك رۆژی ژینگەی كوردستان دیاری كراوە، ئەوەش وەك كاردانەوەیەك، لە بەرامبەری ئەو جینۆساید و كیمیابارانەی رژێمی بەعس لە دژی سروشتی كوردستان، ئەنجامیدا.

ساڵانەو لە رۆژی ژینگەی كوردستاندا، رێكخراوە حكومی و ناحكومییەكان و قوتابخانە و خوێندنگاكان لە هەرێمی كوردستان، چەندین چالاكی جۆراوجۆر بۆ گرنگیدان بە پاراستنی ژینگە، ئەنجام دەدەن.

ژینگە وەك دیاردەیەكی بابەتی‌و پەیوەست بە مرۆڤ و ژیان و چالاكییە بەردەوامەكانی مرۆڤەوە، پێویستی بە چاودێریكردن و چاككردنی بەردەوام هەیە، چونكە مرۆڤ بەردەوام لە چالاكیدایەو بە چالاكییەكانیشی زۆربەی كات پیسبوونێك لە ژینگەدا، بەجێدەهێڵێت.

125 جار خوێندراوەتەوە