ئیسرائیل وێنەی ئەو پێگە سەربازییەی سوریا بڵاودەكاتەوە كە رۆژی شەممەی رابردوو بۆردومانی كرد

08:38 - 15/04/2019
جیهان

ئیسرائیل: ئەو پێگەیەی بۆردومان كراوە تایبەت بوە بە دروستكردنی موشەكی ئێرانی

ئیسرائیل، وێنەی ئەو پێگە سەربازییەی سوریا بڵاودەكاتەوە كە رۆژی شەممەی رابردوو بۆردومانی كرد و تەئیكد دەكاتەوە كە بنكە سەربازییەكە، تایبەت بوە بە دروستكردنی موشەكی ئێرانی.. 

 

دامەزاروەی هەواڵگریی ئیمدج سات ئینتەرناسیۆنالی ئیسرائیلی، وێنەی ئەو پێگە سەربازیەی ئێرانی بڵاوكردەوە كە رۆژی شەممەی ڕابردوو لەلایەن فرۆكە جەنگییەكانی ئیسرائیلەوە، بۆردومان كرا.

 

ئەو دامەرزاوە هەواڵگرییەی ئیسرائیل بڵاوی كردوەتەوە: ئەو پێگەیەی بۆردومان كراوە، تایبەت بوە بە دروستكردن و بەستی پارچەكانی موشەكی زەمین بە زەمینی ئێرانی.

 

رۆژی شەممەی رابردوو، فڕۆكە جەنگییەكانی ئیسرائیل، بۆردومانی چەند پێگەیەكی سەربازییان لە ناوچەی مەسایفی سەر بە پارێزگای حەممای باكوری سوریا كرد و بەهۆیەوە 17 ئەندامی سوپای پاسداران كوژران.. 

622 جار خوێندراوەتەوە