ڕانیە؛ خوێندكارانی زانكۆی ڕاپەڕین گردبوونەوە

03:09 - 15/04/2019
کوردستان

وەك ناڕەزای دەربڕین لەبەرامبەر نەگێڕانەوەی دەرماڵەكانیان، بەشێك لە خوێندكارانی زانكۆی ڕاپەڕین لە قەزای ڕانیە، لە بەردەم زانكۆكەیان گردبونەوەیان ئەنجامدا، داواش دەكەن، هەرچی زووە دەرماڵەكانیان بۆ بگێڕنەوە.

بەشێك لە خوێندكارانی زانكۆی ڕاپەڕین لە قەزای ڕانیە بەKNNڕاگەیاند، وەك ناڕەزای دەربڕین لەبەرامبەر نەگێڕانەوەی دەرماڵەكانیان لە بەردەم زانكۆكەیان گردبونەوەیان ئەنجامدا،
ئاماژەیان بەوەشكرد، بڕینی دەرماڵەكانیان بژێوی ژیانی خوێندكارانی سەختركردوە و چەندین خوێندكار بەوهۆیەوە لە خوێندن دابڕاون.

دەشڵێن، بڕینی دەرماڵەكانیان بەبیانوی شەڕی داعش و قەیرانی داراییەوەبووە، بەڵام سەرەڕایی ئاسای بونەوەی دۆخەكە تا ئێستا دەرماڵەكانیان بۆ نەگێڕدراوەتەوە.
داواش دەكەن، هەرچی زووە دەرماڵەكانیان بۆ بگێڕنەوە وەك مافێكی سەرەتای خوێندكاران.

216 جار خوێندراوەتەوە